Herritarren eskubideak

Herritar guztiek honako eskubide hauek dituzte:

• Agintari publikoek dituzten ingurumen-informazioa eskuratzea, zertan erabiliko den azaldu beharrik gabe.
• Legeek ematen dituzten eskubideen gaineko informazioa eta eskubide horiek baliatzeko aholkularitza jasotzea. Laguntzea jasotzea informazioa bilatzeko orduan.
• Eskatutako informazioa jasotzea legeek ezarritako gehieneko epeetan.
• Informazioa lortu nahi den forma edo formatua aukeratzea: formatu elektronikoan, kopia paperean, eta abar.
• Jakitea zergatik ez zaien informazio osoa edo partziala ematen, edo zergatik luzatzen den erantzuna jasotzeko epea, eta baita zergatik ez zaien informazioa ematen eskatutako moduan edo formatuan.
• Eskatutako informazioa jasotzeko exijitzen diren tasen eta prezioen zerrenda ezagutzea, baita zein diren ordaintzeko edo ez ordaintzeko inguruabarrak ere.
• Modu eraginkor eta errealean parte hartzea ingurumenean zehar zuzenean edo zeharka eragiten duten gaien inguruko erabakiak hartzeko, baldin eta haiek lantzea eta onartzea administrazio publikoei badagokie.
• Parte hartu ahal izateko bidezkoa den informazioa behar besteko denborarekin eskuratzea.
• Tratu atsegin eta adeitsua jasotzea.
• Zerbitzua aukeratutako hizkuntza ofizialean jasotzea (euskaraz edo gaztelaniaz).