Next Generation EU berreskurapenerako funtsen dirulaguntzak

Europako Kontseiluak, COVID-19aren pandemiak sortutako egoera ekonomikoaren ondorioz, NEXT Generation EU plana sortu zuen 2020ko uztailaren 21ean. Itzuli beharrik gabeko dirulaguntzen plan honek  750. 000 milioi euro onartu ditu Europarako eta horietatik Espainiari 140.000 milioi euro eman dizkio.  Tresna honekin pandemiak sortutako ondorio ekonomiko eta sozialak arintzea espero da.

Espainiak 2026ra arte trasnferentzia eta mailegu gisa jasoko duen kopuru ekonomikoa hobeto koordinatzeko, “Espaina puede” izeneko Berreskuratze, Eraldatze eta Erresilientziaren Plana  (PRTR) sortu da,  110 inbertsioz eta 102 erreformaz osatua.  

Planaren bidez helburu hauek lortu nahi dira: Espainiako ekonomia berreskuratzea eta modernizatzea, 800.000 lanpostutik gora sortzea, familien errentaren banaketan dagoen desberdintasuna murriztea, eta sare nazional osoa indartzea, lurraldeko aktibo finkoen biztanleria hobetuz.

2021-2023 urteetan 70.000 milioi inbertituko dira, ondorio zuzena izango dutenak Espainiako ekonomian eta enpleguan. Kopuru hori arlo hauetan banatuko da: % 39 trantsizio ekologikoan, % 28 eraldaketa digitalean, % 10,5 hezkuntzarekin eta formakuntzarekin lotutako politiketan eta % 7 zientzia, ikerkuntza eta garapenaren arloan.  

Espainiako Gobernuko Berreskuratze, Eraldaketa eta Erresilientzia Planaren barruan bi dirulaguntza mota daude: garraio eta mugikortasun arloko dirulaguntzak eta etxebizitzarako eta hirigintza-berroneratzeko dirulaguntzak.

Garraio eta mugikortasun arloko dirulaguntzak

Garraio, Mugikortasun eta Hiri Agenda Ministerioa (MITMA) arduratzen da Berreskuratze, Eraldaketa eta Erresilientzia Planean (PRTR) jasotako garraioari eta mugikortasun jasangarri eta digitalari buruzko gaiak gauzatzeaz.

Ekimen honen barruan, sailak inbertsio-plan bat aktibatu du berreskuratze-funts europarren kargura, emisio txikiko eremuen ezarpena bizkortzeko; garraioa zero emisioko jarduera bihurtzeko eraldatze-prozesua sustatzeko; hiri- eta metropoli-inguruneetan ibilgailu pribatuaren erabilera murrizteko, garraio kolektiboa eta mugikortasun aktiboa lehenetsiz; eta, azkenik, garraio-zerbitzu publikoen digitalizazioa bultzatzeko.

Etxebizitzen eta hiri-berroneratzearen arloko dirulaguntzak

Garraio, Mugikortasun eta Hiri Agenda Ministerioa (MITMA), halaber, eraikin publikoak eta hiri-inguruneak birgaitzeari buruzko gaiak gauzatzeaz arduratzen da, zeinak PRTR Berreskuratze, Eraldaketa eta Erresilientzia Planean jasota baitaude.  

Ekimen horren barruan, sailak inbertsio-plan bat aktibatu du berreskurapen-funts europarren kargura, efizientzia energetikoa indartzeko eta eraikuntzaren eta higiezinen sektorea suspertzeko; izan ere, arlo horrek gaitasuna du ekonomia deskarbonizatzeko, finantza-tresnak berritzeko, lanpostuak sortu eta gizarte-kohesioa sustatzeko eta hiri- eta landa-inpaktua eragiteko.

Informazio gehiago:

Azken eguneratze-data: 2022ko ekainaren 21a