Toki-erakundeen Eraldaketa Digitala eta Modernizazioa sustatzeko dirulaguntzen deialdia
Eibarko Udalak bi proiektu aurkeztu zituen 2022ko abenduan toki-erakundeen administrazioen arloko modernizaziorako eta digitalizaziorako dirulaguntzetarako.
Dirulaguntza horien helburua da toki-erakundeen Eraldaketa Digitala eta Modernizazioa sustatzea, honako lerro hauek finantzatzeko: Herritarrei Zuzendutako Administrazioa, Eragiketa Adimendunak, Datuaren Gobernantza, Azpiegitura Digitalak eta Oinarrizko Zerbitzuen Interoperabilitatea.
- Bi proiektuen aurrekontua: 230.120,11 €, (BEZa barne).
- Gauzatzeko epea: 2020ko otsailetik 2023ko abenduaren 31ra.
- NEXT Funtsen dirulaguntza: 204.959,74 €
1. proiektua. Azpiegitura digitalen modernizazioa
Eibarko Udalean azpiegitura informatikoa, teknologikoa eta komunikazio-arlokoa dugu udal-sailetako erabiltzaileei informatika-zerbitzua emateko. Administrazio elektronikoko zerbitzuak eta aplikazioak arian-arian ezartzeak eta baliabide elektronikoak gero eta gehiago erabiltzeak berekin ekarri du biltegiratze-sistema korporatiboetan ostatatzen diren datuen bolumena etengabe handitzea. Halaber, zerbitzariak, birtualizazio-plataformak, sistema eragileak… aldian-aldian eguneratu eta berritu behar dira, segurtasun-arazoak saihesteko eta sortzen diren funtzionaltasunei erantzuteko.
Proiektu honek xede du Eibarko Udala modernizatzeko beharrezkoak diren azpiegitura teknologikoez hornitzea, edozein egoeratan erabilgarri egon daitezen ahalbidetuz eta eskura dagoen ahalmena unean uneko beharretara egokituz; hartara, bai konektibitate digitala, bai datuaren ekonomia bai eta Adimen Artifiziala garatzen laguntzeko. Hori guztia, Eibarko Udalak ematen dituen azpiegitura, komunikazio eta zerbitzu digitalak bermatuz.
Proiektuak 4 helburu espezifiko ditu, azpiegitura digitalekin lotutako programa edo jarduketetan zehaztuta:
- Biltegiratze-azpiegitura berritzea.
- Udal-sarearen elektronika berritzea.
- Zerbitzariak berritzea birtualizazio-azpiegituretarako.
- Software-lizentziak
2. proiektua. Interoperabilitatea sustatzea
Proiektu honen helburua administrazio-gestioaren eraginkortasuna eta efizientzia areagotzea da, herritarrei ematen zaien zerbitzua eta barne-antolaketa eta -funtzionamendua hobetzeko, hori guztia trukatutako informazioaren osotasuna eta konfidentzialtasuna ziurtatuz.
Proiektuak 4 helburu espezifiko ditu, azpiegitura digitalekin lotutako programa edo jarduketetan zehaztuta:
- Ediktuen Taula Elektronikoa.
- Herritarren Zerbitzurako Bulegoa (PEGORA): Sinadura biometrikoa.
- Software “libre”-ko edo "kode ireki"-ko "IMPULSA" administrazio elektronikoko plataforma.
- Kontratu txikien modulua: Interoperabilitatea kontratatzailearen profilarekin.