PEGORA, Herritarren zerbitzurako bulegoa

Tramiteak egiteko edo informazioa eskatzeko orduan, udal osorako leihatila bakar legez diharduen udal zerbitzua.

Non dago?

Pegora, Eibarko udala

Udaletxean (Untzaga Plaza), beheko solairuan.

Jendeari arreta emateko ordutegiak:

Astelehenetik asteazkenera: goizez 8:30-14:30. Arratsaldez: 15:30-19:00. Ostegun eta ostiraletan: 8:30-14:30.

Oharra:

2020ko irailaren 3tik aurrera (egun bizi dugun pandemia-egoera dela eta), aurrez aurreko hitzordua eskatu beharko da Pegoran, 943708400 telefonoan.

Honako hau gogorarazi da:

  • Nahitaezkoa da maskara erabiltzea.
  • Ezin izango dituzu inprimakiak bete bulego barruan.
  • Bulegoko atean itxarongo duzu eta deituko dizugu barrura sar zaitezen.
  • Inprimakiak eskuratzeko, beharrezko dokumentazioa ezagutzeko eta egin nahi duzun izapideari buruzko informazioa eskuratzeko, Udalaren web orrian kontsulta dezakezu (www.eibar.eus.), 'Tramiteak eta Zerbitzuak' atalean.
  • Puntualtasuna eskatzen da hitzordua ez galtzeko.
  • Zure boligrafoa ekarri beharko duzu.
  • Une oro, bulegoko langileen argibideei jarraituko diezu.
  • Irailean, jendaurreko ordutegia 08:30etik 13:30era izango da.

UDAKO SASOIAN:

  • Uztailaren 1etik irailaren 30era: goizean bakarrik, 8:30-13:30.

 

010 / 943708400 telefonora deitzeko orduak:

Astelehenetik asteazkenera: 8:00-19:00. Ostegun eta ostiraletan edo barikuetan: 8:00-15:30.

UDAKO SASOIAN:

  • Uztailaren 1etik irailaren 30era: goizean bakarrik: 8:00-14:00.

 

Tramiteak

Tramiteak edo jardunbideak, etorri eta berehala egingo ditugu.

  • Biztanleen Erroldako ziurtagiriak.
  • Konpultsatu edo egiaztatu erregistroan sartzen diren agiriak.
  • Ordaindutako erreziboen frogagiriak.
  • Udalari bidali nahi dizkiozun idatziak eta eskaera guztiak erregistroan sartuko ditugu.
  • Gipuzkoako Foru Aldundiari eta Eusko Jaurlaritzari bidali behar dizkiozun idatzi guztiak ere Pegoran erregistratuko ditugu.
  • Kejak, abisuak eta iradokizunak jaso.

 

Udalarekin zerikusia duten gauza guztien inguruko informazioa edo argibidea emango dizugu.

  • Egin behar duzun hori nola egin behar duzun esango dizugu (obretako lizentziak, ziurtagiriak, nitxoak denbora gehiagoan edukitzeko eskaerak, erreziboak helbideratzea...). Dokumentazioa ekartzeko epeari buruz ere jakinaren gainean utziko zaitugu. Horretarako behar dituzun paperak ere han izango dituzu.
  • Dauden diru-laguntza, beka, ikastaro eta gainerako jardun guztiei buruzko argibideak emateko prest gauzkazu.

 

010 / 943708400 Telefonoz emango dizugun informazioa:

Deitu 010 telefonora, behar duzun agiria eskatu eta zure etxean bertan jasoko duzu ezer pagatzeke. Hona hemen:

  • Biztanleen Erroldako ziurtagiriak.
  • Ordaindutako erreziboen frogagiriak.
  • Ordainketetarako, banku edo kutxahelbideraketaren aldaketak eta baita helbide fiskalarenak ere.

 

Udal tramite guztien berri eta baita behar dituzun paperen berri ere. Telefonoz eskatu eta zure etxera bidaliko dizkizugu eskaera orriak eta bete behar dituzun paperak betetzeko jarraibideak.