Eibarko Udala

Ipuruako aparkalekuak herri jabariko emakidaren araubidean erabiltzeko eta gozatzeko esleipena (2026)

Eibarko Udalak Ipurua auzoko aparkaleku faltari irtenbidea emateko asmoz, lizitazio publikoaren deialdi bat iragarri du 2026an Ipuruako Anexoaren etxabean, Santa Ines kalean, dagoen aparkaleku publikoaren erabilera eta gozamena jabari publikoko emakida-erregimenean adjudikatzeko. Ekimenak aurreikusten du 37 aparkaleku-plaza arrunt adjudikatzea eta mugikortasun urriko pertsonentzat egokitutako plaza bat. Plaza guztiak Ipurua anexoaren azpiko eraikin berriaren -1 erdisotoko solairuan daude, Eibar Kirol Elkarteko garajearen ondoan.

Santaines kalea.
Garajearen azalera erabilgarria 965,25 metro koadrokoa da eta eraikitakoa 1.005,60 metrokoa, eta ibilgailuentzako zein oinezkoentzako sarbidea du Santa Ines kaletik. Errodadurako erdiko errei batek antolatzen ditu plazak, eta, atzealdean, larrialdietako irteera bat dago anexora, eskailera babestu baten bidez, eraikinaren egituran integratuta. Ipuruako bizilagunek aspalditik espero zuten azpiegitura bat da, auzoko mugikortasuna eta bizi-kalitatea hobetzen lagunduko duena. 

Bi gune: A eremua eta B eremua

Adjudikazio-zozketan onartutako pertsonen zerrendak egiteko, herria bi gunetan banatu da. A eremuak Santa Ines, Indalezio Ojanguren, Romualdo Galdos, Ipurua eta Juan Antonio Mogel kaleak hartzen ditu; B eremuak, berriz, A eremuan sartuta ez dauden Eibarko guztiak hartzen ditu. Pertsona bakoitzak, gehienez ere, plaza bat eskuratu ahal izango du, betiere ez badu beste jabetzarik A gunean. 

50 urteko iraupena duen emakida

Emakidak 50 urteko iraupena izango du, esleipena ebazten den egunetik zenbatzen hasita, eta ondare publikoaren eta sektore publikoko kontratazioaren arloan indarrean dagoen legediaren arabera arautuko da. Tartean interes publikoko arrazoiak badaude, udalak emakida iraungi aurretik garajeak erreskatatzeko aukera izango du ezarritako araudiari jarraituz eta, hala dagokionean, dagozkion kalte-ordainak jasotzeko eskubideak bermatuz. 

Parte hartzeko baldintzak

Zozketan parte hartzeko baldintzen artean, honako hauek daude: pertsona fisikoa izatea, jarduteko gaitasun osoa izatea, 2024ko urtarrilaren 1etik Eibarren erroldatuta egotea, ibilgailu baten jabea izatea edo ibilgailua enpresa-lagapenaren bidez edukitzea, zerga-betebeharrak eta Gizarte Segurantzarekikoak egunean izatea, eta, egokitutako plazaren kasuan, mugikortasun urriko pertsonentzako aparkatzeko txartel ofiziala izatea. 

Eskabideak, 2026ko otsailaren 16tik martxoaren 31ra

Eskabideak aurkezteko epea 2026ko otsailaren 16an ireki, eta 2026ko martxoaren 31ra arte egon zen irekita. Eskabideak elektronikoki aurkeztu ahal izango dira Udalaren webgunearen bidez (www.eibar.eus), ziurtagiri digitalarekin, edo aurrez aurre PEGORAn (Herritarrentzako Zerbitzuaren Bulegoa, Udalaren beheko solairua, Untzaga plaza 1). 

Erlazionatutako atalak eta dokumentuak:

    Erlazionatutako albisteak: