Udalak Ipuruako garajeak lizitatutako ditu auzoko bizilagunentzat

Eibarko Udalak Ipurua auzoko aparkaleku faltari irtenbidea emateko asmoz, lizitazio publikoaren deialdi bat iragarri du Ipuruako Anexoaren etxabean, Santa Ines kalean, dagoen aparkaleku publikoaren erabilera eta gozamena jabari publikoko emakida-erregimenean adjudikatzeko. Ekimenak aurreikusten du 37 aparkaleku-plaza arrunt adjudikatzea eta mugikortasun urriko pertsonentzat egokitutako plaza bat. Plaza guztiak Ipurua anexoaren azpiko eraikin berriaren -1 erdisotoko solairuan daude, Eibar Kirol Elkarteko garajearen ondoan.  

Garajearen azalera erabilgarria 965,25 metro koadrokoa da eta eraikitakoa 1.005,60 metrokoa, eta ibilgailuentzako zein oinezkoentzako sarbidea du Santa Ines kaletik. Errodadurako erdiko errei batek antolatzen ditu plazak, eta, atzealdean, larrialdietako irteera bat dago anexora, eskailera babestu baten bidez, eraikinaren egituran integratuta. Ipuruako bizilagunek aspalditik espero zuten azpiegitura bat da, auzoko mugikortasuna eta bizi-kalitatea hobetzen lagunduko duena. 

Jon Iraola Eibarko alkateak jarduketa honen garrantzi soziala nabarmendu du. Azpimarratu duenez,  “garaje hauek premiazkoak dira familia askorentzat, eta auzoko aspaldiko eskaera bati erantzuten diote. Adjudikazio honekin soluzio egonkor, bidezko eta garden bat eskaini nahi dugu, lehentasuna emango diena auzoan bizi direnei eta aparkalekuaren presioa egunero jasaten dutenei. Ez gara hitz egiten ari aparkalekuak sortzeaz soilik; hitz egiten ari gara hiri-mugikortasuna hobetzeaz, gure espazio publikoa antolatzeaz eta hiriak modu eraginkorrean funtzionatuko duela bermatzeaz”. 

Era berean, Iraolak hauxe adierazi du: “Jarduketak, halaber, plangintza arduratsuarekin eta gure herritarren ongizatearekin dugun konpromisoa islatzen du, uste dugulako hiria erosoa bada, bizigarriagoa dela herritar guztientzat”. 

Bestalde, Luis Vicente Castellanos Hirigintzako zinegotziak adierazi duenez, "proiektua diseinatzean ekitate- eta efizientzia-irizpideak kontuan hartuz eta plazen banaketa bidezkoa izango dela bermatzeko pentsatu da. Epe luzerako emakidak garajearen egonkortasuna eta erabilera ordenatua ahalbidetuko ditu, hurbilen dagoen eremuan bizi direnei lehentasuna emanez, jarduketa guztiak indarrean dagoen araudira eta interes publikora egokitzen direla kontuan hartuta.

Adjudikazio-zozketan onartutako pertsonen zerrendak egiteko, herria bi gunetan banatu da. A eremuak Santa Ines, Indalezio Ojanguren, Romualdo Galdos, Ipurua eta Juan Antonio Mogel kaleak hartzen ditu; B eremuak, berriz, A eremuan sartuta ez dauden Eibarko guztiak hartzen ditu. Pertsona bakoitzak, gehienez ere, plaza bat eskuratu ahal izango du, betiere ez badu beste jabetzarik A gunean. 

Emakidak 50 urteko iraupena izango du, esleipena ebazten den egunetik zenbatzen hasita, eta ondare publikoaren eta sektore publikoko kontratazioaren arloan indarrean dagoen legediaren arabera arautuko da. Tartean interes publikoko arrazoiak badaude, udalak emakida iraungi aurretik garajeak erreskatatzeko aukera izango du ezarritako araudiari jarraituz eta, hala dagokionean, dagozkion kalte-ordainak jasotzeko eskubideak bermatuz. 

Zozketan parte hartzeko baldintzen artean, honako hauek daude: pertsona fisikoa izatea, jarduteko gaitasun osoa izatea, 2024ko urtarrilaren 1etik Eibarren erroldatuta egotea, ibilgailu baten jabea izatea edo ibilgailua enpresa-lagapenaren bidez edukitzea, zerga-betebeharrak eta Gizarte Segurantzarekikoak egunean izatea, eta, egokitutako plazaren kasuan, mugikortasun urriko pertsonentzako aparkatzeko txartel ofiziala izatea. 

Eskabideak aurkezteko epea 2026ko otsailaren 16an ireki, eta 2026ko martxoaren 31ra arte egongo da irekita. Eskabideak elektronikoki aurkeztu ahal izango dira Udalaren webgunearen bidez (www.eibar.eus), ziurtagiri digitalarekin, edo aurrez aurre PEGORAn (Herritarrentzako Zerbitzuaren Bulegoa, Udalaren beheko solairua, Untzaga plaza 1). 

Udalak azpimarratu du jarduketa hau estrategia zabalago baten parte dela, hiri-espazioa antolatzeko, mugikortasuna optimizatzeko eta konponbide zehatz eta iraunkorrak eskaintzeko. Neurri honek —aspaldi eskatzen ari zena— hiri-plangintza eta baliabide publikoen gestioaren gardentasuna uztartzen ditu.

• IPURUAko aparkalekuak herri jabariko emakidaren araubidean erabiltzeko eta gozatzeko esleipena (2026): parte hartzeko eskaera