Enplegua, talentua eta formakuntza
Enplegu-programak:
Udalerriko hainbat eragilerekin elkarlanean (Azitaingo OLHUI, Armeria Eskola eta Debegesa), enplegu-programak garatzen ditugu urtean zehar enpresen beharretara zuzenduak. hauek dira azken urteetan garatu diren programak:
- Fabrikazio mekanikoa
- Pertsonak etxean zaintzeko garbiketa- eta zaintza-lanak.
- Ostalaritza eta sukaldaritza
Talentua:
Cruz Irasuegui bekak: Lanbide Heziketako Eibarko zentroetako ikasleentzako nazioartekotze-bekak garatzeko .
Gazteak enpresan: Enpresa- eta gizarte-erronkei aurre egiteko egitasmoa, Armeria Eskola eta Mondragon Unibertsitatearekin elkarlanean.
Ikasenpresa azoka: Ikasenpresa Azoka Tknika-k (Euskadiko Lanbide Heziketaren Ikerketa Aplikatuko Zentroa, Hezkuntza Sailaren baitakoa) antolatzen duen ekimena da, Eibarko Udalaren laguntzaz.
Programaren helburuak:
- Ikasenpresa bat sortzea, ikasleak jabetu daitezen ekintzaile izateak zer esan nahi duen.
- Ikasleen gaitasunak garatzea, profesional onak izan daitezen: enplegagarriak, aktiboak, ekintzaileak edo euren lantokietan ekintzaile izan daitezen.
- Ikasleak autoenplegua aukera ona dela jabetzeko sentsibilizatzea.
Uni encounter: Uni-Eibar-Ermuarekin elkarlanean teknologia berriekin lotutako jardunaldi sorta bat da. Jarduerak, funtsean, dibulgaziokoak eta teknikoak dira, baina alde ludikoa ere badute. Informatikaren munduan garrantzitsuak diren pertsonek eskainitako hitzaldiak antolatzen dira, bai eta tailer praktikoak eta sareko jokoen lehiaketak ere.
Inklusio-mahaia:
Sailak Debabarreneko eta Eibarko inklusio mahietan parte hartzen du hainbat eragilerekin batera enplegura begirako gaiak zehaztu eta bideratzeko.