Ekintzailetza programak
Eibarko Udalak, DEBEGESArekin batera, ekintzaileei laguntzeko 3 programa eskaintzen ditu, negozio baten garapen-prozesuko hainbat unetan sortzen diren premiei erantzuteko.
HELDU!, EHUNDU eta MAKE IN programei esker, ekintzaile guztiek jaso dezakete laguntza, haien proiektua edozein fasetan egonik ere.
HELDU! programa egokia da hasierako fasean dauden proiektuentzat. 100 ordu baino gehiagoko prestakuntza espezializatua, aholkularitza aditua eta tutoretza pertsonalizatua eskaintzen ditu, enpresa-ideia zehaztera bideratuak.
EHUNDUk garrantzia ematen dio ekintzaileek beren enpresa-proiektua abian jartzerakoan argitu behar dituzten gai kritikoak edo giltzarriak ebazteari. Horretarako, parte-hartzaileen eskura jartzen du enpresa-proiektu bakoitzak behar dituen arloetan aditua den laguntza teknikoa.
Eta MAKE IN industria-azelerazioko programa bat da, startup edo enpresa-ekimen berriak merkatuarekin lotzea sustatzen duena, Debabarrenean jarduera ekonomiko berria sortze aldera.
Lehen bi programak Eibarko Udalak soilik finantzatzen ditu, eta udalerrian proiektua garatzeko interesa duen edonori zuzenduta daude. Hirugarrena eskualde-mailakoa da.
Liburuxka honetan eskuragarri, programa bakoitzaren inguruko informazio xehatua:
