Hautaketa prozesuen zerbitzuen karta

Misioa:

Hautaketa prozesuen zerbitzuaren egitekoa Eibarko Udala giza baliabide trebe eta profesionalez hornitzea da, prozesuan zehar berdintasun, meritu eta gaitasunaren printzipioak errespetatuz, eta proba objektiboak eta gardenak erabiliz.

Bisioa:

Herritarrek Zerbitzuarekiko konfiantza osoa izatea, senti dezaten Udalaren aldetik berdintasun, meritu, gaitasun, objektibotasun eta gardentasun printzipioak bermatzen direla, eta tratu atsegina eta errespetuzkoa jasotzen dutela.

Balioak:

Honako balio hauek dira gure portaeraren eta jardueraren gidari:

Zintzotasuna: hautaketa prozesu osoan zehar zuzentasunez jokatzea.
Erantzukizuna: hartutako konpromisoak betetzea.
Parte-hartzea: hiritarren iritziak eta ekarpenak kontuan hartzea.
Efizientzia: ahalik eta erosotasun eta azkartasun handienaz jokatzea hautaketa prozesu osoan zehar.
Gardentasuna: informazio ulergarria eta argia ematea, eta eskuratzeko erraza izatea.
Berdintasuna: hautagai guztiei aukera eta baldintza berdinak ematea hautaketa prozesu osoan zehar.