Indalecio Ojanguren XXXVIII. Argazki Lehiaketa 2025

4.- IZEN-EMATE ESKUBIDEAK

Doakoak.

5.- AURKEZPENA ETA BIDALKETA

Lanak 40 x 50 cm.-ko kartulinarekin edo kartoiarekin indartuak aurkeztu beharko dira, eta argazkiak gehienez ere 30 x 40cm.-koak izan beharko dira. Lan bakoitzaren atzealdean lanaren izena zein den azaldu beharko da. Egile bakoitzak izen berbera jarri beharko die aurkezten dituen argazki guztiei. Argazkiak hurrenkera jakin batean ikustea nahi izanez gero, zenbakituta aurkeztu beharko dira, zenbakia argazkiaren atzealdean adieraziz.

Kartazal itxi batean, bidalketaren kanpoaldean itsatsita, egilearen datu hauek adieraziko dira: izena, abizenak, NAN - AIZ, posta-helbidea eta helbide elektronikoa, bidalitako bildumak (ZURI-BELTZEAN eta KOLORETAN), telefonoa eta, hala badagokio, zein elkarte edo argazkigintza-kolektibokoa den.

Kartazal horren identifikazio bakarra lanen leloa izango da.

Lanak helbide honetan entregatuko dira:

EIBARKO UDALA

KULTURA ARLOA

INDALECIO OJANGUREN

XXXVIII. ARGAZKI LEHIAKETA

PORTALEA - Bista Eder, 10

20600 Eibar (Gipuzkoa)

Posta bidezko bidalketak ziurtatuak eta gasturik gabekoak izango dira.

6.- EPAI-MAHAIA

Argazkigintzan ospe handia duten hiru pertsonak osatuko dute gutxienez. Izenak bere garaian ezagutaraziko dira.

7.- ERABAKIA

Epaiaren saioa publikoa izango da, eta nahi duen orok parte hartu ahal izango du. Erabakia ukaezina izango da eta www.eibar.eus udal webgunean argitaratuko da.

8.- ERAKUSKETA

Sarituak izan diren lanak Udalaren Portaleko Erakusketa Aretoan erakutsiko dira. Gainontzekoen artean ere, batzuk aukeratuko dira ikusgai ipintzeko.

9.- KATALOGOA

Saritutako lanekin katalogo bat argitaratuko da. Bertan, nortzuk parte hartu duten ere azalduko da eta parte-hartzaile bakoitzari bidaliko zaio.

10.- LANEN ITZULKETA

Saritzen diren lanak Udalaren esku geldituko dira eta Udalak lanak erabiltzeko eta argitaratzeko eskubideak gordeko ditu, baina hori bai, beti norenak diren aipatuz.

Saritu gabeko lanak, erakusketa itxi eta 60 egunen buruan itzuliko dira.

11.- OHARRAK

•  Egile bakoitzak ezingo du sari bat baino gehiago jaso.

•  Antolatzaileek lanak ongi zainduko dituzte, baina ezustean kalteren bat gertatuko balitz ez dute inongo erantzukizunik hartuko.

•  Epaimahaiak ahalmena du oinarri hauek ulertzerakoan izan daitekeen ezusteren baten aurrean erabakirik egokiena hartzeko.

•  Argazki guztiak osorik egileak egindakoak izan beharko dira eta ezin izango dute izan egilearenak ez diren elementurik.
•  Ez dira onartuko Adimen Artifizialak zati batean edo osorik sortutako obrak.
•  Erakundeak eskubidea izango du arau hau betetzen ez duen edozein irudi baztertzeko. Horretarako, eskura dituen bitarteko guztiak erabil ditzake, teknologikoak izan edo ez, eta, hala badagokio, argazkia deskalifikatu ahal izango du, baita saritu ondoren ere.

•  Lehiaketa honetan parte hartzeak oinarri hauek onartzea dakar.

12.- EGUTEGIA

•  Lanak aurkezteko epea:  2025ko irailaren 1tik 26era.

•  Erabakia: 2025ko urriaren 3a.

•  Sari-banaketa: 2025ko urriaren 24a.

•  Erakusketa: 2025ko urriaren 24etik azaroaren 16ra.

13.- SARIAK

Ohorezko Saria Argazki bilduma onenari:

Koloretan edo zuri-beltzean: 1.500 €, garaikurra, CEF urrezko domina eta Portalean erakusketa egiteko aukera

“Indalecio Ojanguren” Sariak

Lehen mailako 4 sari.

Koloretan edo zuri-beltzean.

Argazki solteei: 300 € eta CEF zilarrezko domina

Euskal Herriko sariak:

Koloretan edo zuri-beltzean, argazki solteei

Lehenengoari: 250 €, garaikurra eta CEF brontzezko domina

Bigarrenari: 200 € eta CEF brontzezko domina

Hirugarrenari: 150 € eta CEF brontzezko domina

Herriko Sariak:

Koloretan edo zuri-beltzean, argazki solteei

Lehenengoari: 150 € eta garaikurra

Bigarrenari: 120 €

Hirugarrenari: 100 €

8 eta 16 urte bitarteko partehartzaileen argazki onenari saria: 150 €

14.- INFORMAZIOA

EIBARKO UDALA

KULTURA ARLOA

PORTALEA - Bista Eder, 10

20600 Eibar

Tel.  943 708 435

Emaila: kultura@eibar.eus

www.eibar.eus