BIZILABE TAILERRA: Errekuntza eta motore termikoen inguruko tailer teknologikoa

Eibarko Udalak errekuntza eta motore termikoen inguruko tailer teknologikoa antolatu du zientzia eta teknologiaren mundu ikusgarrian murgiltzeko, esperimentatzen ikasteko. Tailerra doan izango da eta lehen hezkuntzako 5. eta 6. eta DBH 1. eta 2. mailako ikasleei zuzenduta dago. Izena emateko epea uztailaren 17tik abuztuaren 9ra zabalik egongo da.

Tramitatzailea: Eibarko Udaleko Garapen ekonomikoa, enplegua eta berrikuntza saila.

Hartzaileak: Eibarren erroldatutako LH5., LH6., DBH1. eta DBH2. mailakoentzat (10-14 urte bitarteko gazteak).

Nork emango du: ELHUYAR

Non eta noiz: Indianokua Gaztelekuan, 2019ko irailaren 2tik 6ra.

Ordutegia: 09:30etatik 11:30etara.

Ikastaroaren hizkuntza: euskeraz.

Tailerraren prezioa: Doan

Eskaera egiteko tokia eta epea: PEGORA, Herritarren Zerbitzurako Bulegoa, 2019ko uztailaren 17tik abuztuaren 9ra.

Aurkeztu beharreko agiriak:

"IKASTAROAK ETA TAILERRAK: MATRIKULA ORRIA" inprimakia behar bezala beteta (PEGORAn eta udal web orrian www.eibar.eus, eskuragarri).

Nortasun agiria eskatuko da emandako datuak egiaztatzeko.
Tutoreen kasuan, tutoretza egiaztatzen duen dokumentazioa.

Ikasle kopurua: gutxienez 5 eta gehienez 15.

Kudeaketa arauak:

Izena eman duten pertsonen kopurua ez bada heltzen ikastaroa emateko ezarritako gutxieneko ikasle-kopurura, ez da ikastarorik egingo. Abisua udalaren web orrian emango da (www.eibar.eus), abuztuaren 26an.

Izena eman duen pertsonen kopuruak ezarritako gutxieneko ikasle-kopurua gainditzen badu eta ezarritako gehieneko ikasle-kopurutik gorakoa ez bada, matrikula guztiak onartuko dira.

Matrikularako izena eman dutenen kopurua ezarritako gehieneko ikasle-kopurutik gorakoa bada, ikasleen aukeraketa zozketa bidez egingo da. Zozketa udaletxean egingo da 2019ko abuztuaren 26ko 10:00etan. Zozketa era honetan egingo da:

Zozketa egin aurretik ikastarorako izena eman duten pertsona guztiekin zerrenda bat egiten da alfabetoaren arabera ordeatuta; bakoitzari zenbaki bat emango zaio.
Zaku baten sartuko dira zenbaki guztiak eta zenbaki bajar bat ateratzen da.
Aukeratuko diren pertsonak zenbaki horretatik hasita elkarren hurreneko ondoren datozenak izango dira, plaza guztiak bete arte.

Onartu diren pertsonen izenekin zerrenda bat egingo da. Zerrenda hori PEGORAn eta udalaren web-gunean egongo da 2019ko abuztuaren 26an, 12:00etatik aurrera.

Deskargatu dokumentuak
Matrikula orria Ikusi \| Jaitsi (94.4 KB)