Aratosteak Eibarren 2026: kartel lehiaketa

Deskripzioa: ARATOSTEAK EIBARREN kartel lehiaketan parte hartzeko eskaera egitea.

Hartzailea: adin guztietako pertsonek parte hartu dezakete. Lehiaketa honetan ezin izango dute parte hartu, aurreko kartel-lehiaketetan (Aratosteak, Sanjuanak, Sanandresak) bost aldiz edo gehiagotan sarituak izan badira.

Lanak aurkezteko epea: 2025ko abenduaren 22tik 2026ko urtarrilaren 20ra izango da (biak barne).

Lehiaketan izena emateko eta lanak aurkezteko bideak:

• Elektronikoki: lehiaketan izena emateko formulario bat bete beharko da elektronikoki ondorengo estekan:

  https://formularioak.eibar.eus/eu/kartelakaratosteak2026

Formulario elektronikoa betetzeko ez da inolako sinadura elektronikorik behar, ezta ere erabiltzaile eta pasahitzik. Kartela formatu digitalean erantsi beharko da.

• Presentzialki: PEGORAn, Herritarren Zerbitzurako Bulegoa. Kartela euskarri gogor baten gainean aurkeztu beharko da.

Itxaronaldiak saihesteko, hitzordua eska daiteke PEGORAn. Hitzordua nola eskatu:

- Udal webgunearen bitartez: https://hitzorduak.eibar.eus/pegora/eu

- Telefonoz: 940 70 84 00.

Kartelak lemapean aurkeztuko dira. Izena ematerako orduan (elektronikoki ala presentzialki PEGORAn), egileak ondorengo datuak erraztu beharko ditu:

• Egilearen izen-abizenak.
• Egilearen NAN, AIZ... (14 urtetik gorakoentzat derrigorrezkoa).
• Egilearen bizilekua.
• Egilearen telefonoa.
• Egilearen e-maila.
• Egilearen adina.
• Adin-tartea: 2010 baino lehen jaiotakoak (2010 barne), 2011 eta 2014 artean jaiotakoak (bi urteak barne) eta 2015 arte jaiotakoak (2015 barne).
• Kartelaren lema.

Kartelen ezaugarriak:

• Derrigorrezko testua: ARATOSTEAK EIBARREN. Gainera deialdiaren urtea azaldu beharko da (2026).
• Gaia: norberaren aukeran.
• Kolorea: norberaren aukerakoa.
• Neurriak: 70x50 zm.
• Lanak aurkezteko formatuak:
• Euskarri gogor baten gainean.
• Edo formatu digitalizatu batean (JPG formatuan, 300 ppp-ko bereizmenarekin).

Sail arduraduna: Kultura.

Sariak:

• 2010 baino lehen jaiotakoak (2010 barne): 1.000 euro
• 2011 eta 2014 artean jaiotakoak (bi urteak barne): sari berezia (dirurik ez)
• 2015 arte jaiotakoak (2015 barne): sari berezia (dirurik ez)

Lehiaketan irabazlerik ez egotea ere gerta liteke.

Oharrak:

• Ez dira onartuko posta eletronikoz eta postaz jasotako lanak.
• Lehiaketan parte hartzeak lehiaketaren oinarriak eta epaimahaikideen erabakia onartzea suposatzen du.

• Epai-mahaia urtarrilaren 26an bilduko da eta gero emango du ezagutzera bere erabakia.  Epaia apelaezina izango da.

• Epai-mahaikideak nortzuk diren erabakia ematen den egunean jakinaraziko da.

• Epai-mahaiak, oinarri hauek irakurtzerakoan sor daitezkeen zalantzak bere kabuz irtenbideratzeko ahalmena du.

• Kartel saritua Udalaren esku geratuko da. Udalak, kartela argitara emateko eskubidea bere gain hartzen du.

• Saririk jaso ez duten originalak Euskara-Kultura Sailean har daitezke epai-mahaiak bildu eta hurrengo 30 egunen barruan.