2023ko San Andres azoka

San Andres azokaren helburua Gipuzkoa, Bizkaia, Araba eta Nafarroako produktu hauen erakusketa, lehiaketa eta salmenta egitea da: barazkiak, frutak, Euskal Labela duen eztia, ardi-gazta eta eskuz egindako ogia. Erakusteko eta saltzeko –ez ordea lehiaketarako- goiko produktu horiez gain, aipatutako lurralde horietako txakolina eta loreak ere egon daitezke eta baita Deba Beheko nekazaritza-ustiategietako gaztak ere.

Eskaera epea: 2023ko azaroaren 1etik 12ra (biak barne).

Izena emateko kanalak: Formularioa bete:

https://formularioak.eibar.eus/eu/azoka2023sanandresak

Formulario elektronikoa betetzeko ez da inolako sinadura elektronikorik behar, ezta ere erabiltzaile eta pasahitzik.

Honako agiri hauek erantsi beharko dira:

Eskatzailearen NANa, IFZ edo horren balio bereko beste dokumenturen bat.
Legezko ordezkapenaren kasuan, legezko ordezkariaren NANa edo horren balio bereko beste dokumenturen bat eta ordezkapena dokumentu bidez egiaztatua. Egiaztapen hori, zuzenbidean baliozkotzat har daitekeen edozein bitartekoren bidez egin daiteke (notario-ahalordeak, eskriturak…).
Azokan aurkeztuko den produktuaren fitxa behar bezala beteta (PEGORAn eta udal web orrian, www.eibar.eus, eskuragarri).
Fruta eta barazkiak: nekazaritzako ustiategiaren txartela (txartel berdea).
Ogia: nekazaritzako ustiategiaren txartela (txartel berdea) eta osasun erregistroa. Eskuz egindado gozokiak ere ekarriz gero, dagokion osasun erregistroa.
Ardi gazta: Idiazabal gazta jatorri-deituan erregistratuta egotearen edo Artzai Gazta elkartearen bazkidea izatearen egiaztagiria.
Eztia: Euskal Labela.
Txakolina: nekazaritzako ustiategiaren txartela (txartel berdea) eta osasun erregistroa.
Loreak: nekazaritzako ustiategiaren txartela (txartel berdea).
Deba Beheko gaztak: nekazaritza- ustiategiaren txartela (txartel berdea) eta osasun-erregistroa.
Poteetan sartutako produktu eta baserriko kontserbak: nekazaritza ustiategiaren txartela (txartel berdea) eta dagokion osasun erregistroa.

OHARRA: Nahikoa izango da Nekazaritza Ekologikoaren etiketa aurkeztea azokako edozein produktutarako.

Baldintzak: irakurri atxikitako Oinarriak San Andres Azoka 2023 dokumentua.

Deskargatu dokumentuak
Oinarriak San Andres Azoka 2023 Ikusi \| Jaitsi (265.7 KB)
ARDI GAZTA Fitxa Ikusi \| Jaitsi (89.7 KB)
BARAZKIAK Fitxa Ikusi \| Jaitsi (77.8 KB)
DEBA BEHEKO GAZTAK Fitxa Ikusi \| Jaitsi (78.4 KB)
EZTIA Fitxa Ikusi \| Jaitsi (89.8 KB)
FRUTAK Fitxa Ikusi \| Jaitsi (77.8 KB)
LORAK Fitxa Ikusi \| Jaitsi (77.8 KB)
OGIA Fitxa Ikusi \| Jaitsi (89.3 KB)
TXAKOLINA Fitxa Ikusi \| Jaitsi (78.1 KB)