Helbide fiskala aldatzea jakinarazpenetarako

Deskripzioa: Udalak jakinarazpenetarako erabiltzen duen bizilekuari edo helbideari deitzen zaio helbide fiskala. Udalak kobratzen dituen zerga-errezibo guztietan egin daiteke helbide fiskalaren aldaketa.

Tramitatzailea: Eibarko Udaleko Udal Zergen saila.

Eskaera nola egin:

Telefono bidez: eskaera telefono bidez egiteko PEGORAra deitu behar da (Herritarren Zerbitzurako Bulegoa). Telefonoa: 943 70 84 00. PEGORAk eskaera egin duen pertsonaren datuak egiaztatu ondoren helbide fiskalaren aldaketaren eskaera tramitatuko du.

Bertaratuta: eskaera bertara etorrita egiteko, PEGORAra etorri behar da (Herritarren Zerbitzurako Bulegoa) eta ondorengo agiriak aurkeztu:

  • Helbide fiskala (jakinarazpenetarako) aldatzeko eskaera behar bezala beteta eta izenpetuta.
  • Legezko ordezkapenaren kasuan ordezkariaren NANa edo horren balio bereko beste dokumenturen bat eta ordezkapena dokumentu bidez egiaztatua. Egiaztapen hori, zuzenbidean baliozkotzat har daitekeen edozein bitartekoren bidez egin daiteke (notario-ahalordeak, eskriturak…).

 

Elektronikoki: eskaera elektronikoki egiteko, derrigorrez, ziurtagiri digital bat edo B@K-Q eduki behar dituzu (tramiteak online egiteko informazio gehiago nahi baduzu, sakatu hemen). Eskaera elektronikoki egiteko, beheko loturan sakatu behar duzu, eskaera elektronikoki bete eta ondorengo dokumentazioa erantsi:

  • Legezko ordezkapenaren kasuan ordezkariaren NANa edo horren balio bereko beste dokumenturen bat eta ordezkapena dokumentu bidez egiaztatua. Egiaztapen hori, zuzenbidean baliozkotzat har daitekeen edozein bitartekoren bidez egin daiteke (notario-ahalordeak, eskriturak…).

 

Tramiteari sarean edo online ekin aurretik, tramitea egiteko beharrezko dokumentazioa formatu digitalean prest duzula konprobatu, eta ondoren, tramiteari ekin.

 

Deskargatu dokumentuak
Helbide fiskala (jakinarazpenetarako) aldatzeko eskaera  
Ikusi | Deskargatu ( PDF, 151 KB)