Bisita gidatuak, Aste Santurako
Eibarko Udalak, Debegesa, Eskualdeko Garapen Agentziarekin batera, bisita gidatuen egutegi bat antolatu du apirilerako, Aste Santurako. Programa berriak jarraipena ematen die 2021eko abuztuz geroztik antolatzen diren bisitei, herritarren partaidetza ona baitute beti.
Bisitak, herriko kaleetan zehar egingo diren ibilaldiak, apirilaren 6, 7, 8 eta 10an izango dira, Aste Santuko jaiekin bat eginez. Ordutegia 18:30etik 20:00etara izango da. Apirilak 7ko bisita euskaraz izango da eta gainontzekoak gazteleraz.
Bisita gidatuen ibilbidea
Ibilaldia Eibarko industria-garapenean oinarrituko da, eta horren bidez azalduko da herriaren bilakaera. Bisitak gidatuko dituen pertsonak Eibar duela 100 urte nolakoa zen ulertzeko irudiak erakutsi, eta herriaren garapen historikoa azalduko du, Eibarko industriak edo gure herriak II. Errepublikaren aldarrikapenean jokatu zuen papera ahaztu gabe. Bisitaren edukia Nerea Alustiza historialari eibartarrak egin du —Eibarko bisitetan aditu eta aritua den pertsona— eta bera izango da gida-lanak egingo dituena.
Hala, ibilaldiak tren-geltokian hasi, eta Arieletxe ondotik eta beste eraikin batzuetatik jarraituko du. Estaziño kalean bertan, beste toki batzuk bisitatutako dira, hala nola Astelena taberna, Krutzeta etxea eta Ayerbe etxea. Hortik Ibarkurutzetik jarraituko da; han Casino Artista Eibarrés bisitatuko da eta Ibarkurutzeko iturria.
Errebalen, El Cascoko etxea ikusiko da eta Zapata etxebizitza-eraikina. San Agustin kalea bisitatu ondoren, Bidebarrietan Larrañaga taberna eta Hoten Julian zeudeneko lokalak ikusi ahalko dira. Eibarko Bizikleta Plazan, Casinoko lokalera joango da, eta Txiriokale eta Fermin Calbeton kaleak igaro ondoren, bisita Untzaga plazan amaituko da, udaletxean.
Izen-emateak
Bisita gidatuak doakoak izango dira pertsona guztientzat.
Izena emateko 943 82 01 10 telefonora deitu behar da apirilaren 5a baino lehen edo formulario hau bete, gutxienez 24 orduko aurrerapenaz.