Eibarko mapa industriala
Eibarko Udalak, Debegesa Eskualdeko Garapen Agentziarekin lankidetzan, Eibarko ondare industrialaren mapa turistiko bat kaleratu du.
Mapak hiri armaginaren industria-ondare aberatsa islatzen du eta haren industria-arkitektura berezia eta bakana. Helburua da bisitariak erakartzeaz gain, hiriaren ondare industriala aintzat hartzea eta balioestea.
Mapak eraikinen kokalekua erakusten du eta bertan izandako jarduera ekonomikoa. Gainera, herritarrentzat aski ezagunak diren enpresa hauen antzinako logo eta produktuekin egindako collage bat osatu da.
Mapa Armagintzaren Museoan, eskualdeko turismo bulegoetan eta herriko ostatuetan dago eskuragarri. On-line eskuratu ahal izateko, sakatu esteka honetan.