Singular Dendak kalitatezko zigilu bereizgarria Eibarko saltokietan

Herriko merkataritzaren bikaintasuna indartzeko eta nabarmentzeko ahaleginean, Eibarko Udalak hasieratik babestu du Singular Dendak ekimena. Proiektu honek Eibarko merkataritza-establezimenduak profesionalizatzea, bereiztea eta posizionatzea du xede.

Gaur egun 22 establezimendu dira Eibarren ekimen honekin bat egin dutenak; bilatzen dutena da kalitateagatik eta eskaintzen duten zerbitzuagatik bereiztea. 2023. urtean, Eibarko Udalaren eta Gipuzkoako Merkataritza Federazioaren arteko hitzarmenaren esparruan, hainbat ekintza egin ziren, Eibarren Singular Dendak kalitate-bereizgarri berezia duten saltokiak bultzatu eta indartzeko. Aurten beste denda bat sartu da zigilua lortzeko prozesuan: MOAPICS.

Bereizgarri honen helburua ez da saltoki berriak erakartzea soilik; lehendik dauden dendei formazioa eta etengabeko hobekuntza ere eskaintzen die.

2023an, hainbat ekintza egin ziren helburu hori lortzeko:  5 online-tailer antolatu ziren saltokientzako garrantzitsuak diren gaiei buruz, hala nola markaren komunikazioa, Instagramen erabilera, aukera-berdintasuna eta jasangarritasunaren lekua merkataritzan; argitalpenak egin ziren sare sozialetan eta Singular Dendak proiektuaren webgunean, ekimenaren balioak sustatu eta hedatzeko; aholkularitza pertsonalizatua eman zitzaion denda bakoitzari, eta banakako laguntzarako 12 ordu eskaini ziren urtean zehar.

Eibarren, 4 dendak baliatu zuten zerbitzu hau. Gainera, 2 prestakuntza presentzial egin ziren. Horietan, besteak beste, profesionalentzako mindfulnessa eta marketin digitaleko planak landu ziren, eta tokiko saltoki dezentek parte hartu zuen.

Ekintza horiek indartu egin dute Eibarko merkataritza-ehuna, eta sendotu haren posizioa erreferente gisa, Gipuzkoako kalitatezko merkataritzaren bultzadan eta sustapenean.