Eibarko Udala

Ostegun honetan, hilak 9, Eibarren egingo den XII. Ikasenpresa Azokan Araba, Bizkaia eta Gipuzkoako Lanbide Heziketako 1.800 ikasle bilduko dira

2023/02/06
XII. Ikasenpresa Azokaren aurkezpenaren irudia.

Ikasleek beren produktuak erakutsi eta salduko dituzte Untzaga plazan eta Txaltxa Zelain jarriko diren karpetan, 10:00etatik 13:00etara, Eibarko Udalaren laguntzari esker.

Ostegun honetan, otsailak 9, XII. Ikasenpresa Azoka egingo da Eibarren, pandemiaren ostean normaltasuna berreskuratuko duena (aurrez aurreko azken edizioa 2020an izan zen). Oraingoan, Arabako, Bizkaiko eta Gipuzkoako Lanbide Heziketako 1.800 ikasle izango ditu, gaur goizean Jon Iraola Eibarko alkateak, Ana Telleria Garapen Ekonomiko, Enplegu eta Berrikuntzako zinegotziak, Jon Labaka Tknikako zuzendariak, Pili Díez eta Ergiña Urcelay Ikasenpresa programaren arduradunek jakitera eman duten bezala. Prentsaurrekoan, Eibarko LHko ikastetxeetako ikasleak ere izan dira.

350 Ikasenpresa inguruk beren produktuak erakutsiko dituzte goiz osoan (10:00etatik 13:00etara) Txaltxa-Zelain eta Untzaga plazan, Tknikak (Euskadiko LHko Ikerketa eta Berrikuntza Aplikatuko Zentroa) antolatuta, Eusko Jaurlaritzako Hezkuntza Sailaren menpe dagoen atala, eta Eibarko Udalaren eta hiriko Oinarrizko Lanbide Heziketako enpresen lankidetzari esker.

Ikasenpresaren kultura ekintzailea

Enpresa txiki bat sortzea eta abian jartzea da Ikasenpresak Euskadiko Lanbide Heziketako erdi-mailako eta goi-mailako ikasleei planteatzen dien erronka. Euskadiko LHko eredu metodologikoaren barruan lan egiten da, eta eredu horretan funtsezkoa da irakasle-taldearen lankidetza-lana.

Ikasenpresa enpresa-simulazioa bada ere, eskaintzen den produktua edo zerbitzua benetakoa denez, irakasleen lankidetza-lan horrek ahalbidetu egiten du negozio-ideiak lanbide-arloarekin lotuta egotea, berritzaileak izatea eta zikloko irakasle-talde osoa inplikatuta egotea. Negozio-ideiak lantzen ari diren lanbide-arloekin lotuta daude, eta pertsonen edo haien ingurunearen bizi-kalitatea hobetzera eta iraunkortasuna kontuan hartzera bideratuta egon behar dute.

2023ko datuak

  • Parte hartzen duten ikastetxeak: 50
  • Parte-hartzaileak: 339 Ikasenpresa (programan dauden 1.000 ikasleetatik bat)
  • Ikasleak: 1.800 inguru / Irakasleak: 106

Debabarreneko datuak

25 ikasenpresa

  • ARMERIA ESKOLA LHII: 4
  • UNI EIBAR: 4
  • MEKA LHII: 2
  • IMH LHII: 2

Produktuak

Produktuak eta zerbitzuak askotarikoak dira; izan ere, gehienak lantzen ari diren lanbide-arlokoak dira, eta irakasle teknikoekin lankidetzan egiten dira. Proiektu gehienak eremu hauetan garatzen dira:

 

  • Jarduera fisikoak eta kirolak
  • Industria
  • Irudi pertsonala
  • Ostalaritza eta turismoa
  • Informatika
  • Diseinua
  • Gizartearentzako zerbitzuak
  • Arte grafikoak
  • Nekazaritza eta arrantza
  • Informatika
  • Zerbitzuak

Adibideak

  • Kalistenia-zirkuitua (gimnasia parkeetan)
  • Basoen digitalizazioa, arazoak prebenitzeko.
  • Kirol-saio gidatuak herririk herri: gap, aerobik, step,...
  • Labore-lurren konposizioa aztertzea eta ongarri naturalak fabrikatzea.
  • Hidrogeno berdea sortzea energia-iturri gisa
  • Estetika eta ongizateko zerbitzu integralak
  • Marketin-aholkularitza
  • Bizikletak bizikleta elektriko bihurtzea
  • Ibilgailu klasiko eta historikoentzako pieza deskatalogatuak (eskaneatzea eta 3D inprimatzea)
  • Soropila mozteko makinak urruneko kontrolarekin egiten dituen enpresa bat.