30 urtetik beherako langabeentzako prestakuntza okupazionaleko programa, etxebizitza-erreforma eta eraikuntza arloko hainbat espezialitatetara bideratua

Proiektuaren helburuak:

• Programa honetan langabezian dauden 12-15 bat gazte hartzea.
• Parte hartuko duen taldea hautatu eta harrera-fase labur bat igaro ondoren, gazte bakoitzari prestakuntza ematea espezialitate batean, haren interesak eta gaitasunak kontuan hartuz. 
• Espezialitate batean lau hilabetez prestakuntza egin ondoren, lan-kontratu bat lortzea ikastaroa amaitzean.

Bete beharreko baldintzak:

• Eibarren erroldatuta egotea.
• 30 urte baino gutxiago izatea.
• Langabezian egotea.

Aurkeztu beharreko dokumentazioa:

Programan parte hartzeko eskaerak PEGORAn aurkeztu behar dira (Herritarren Zerbitzurako Bulegoa); 2018ko abuztuaren 27tik irailaren 7ra bitartean (egun horiek biok barne). Hau da aurkeztu behar den dokumentazioa:

• 30 urtetik beherako langabeentzako prestakuntza okupazionaleko programan, etxebizitza-erreforma eta eraikuntza alorreko espezialitateetan parte hartzeko eskaera, behar bezala beteta.
• Eskatzailearen NANaren edo horren baliokidea den beste dokumenturen baten fotokopia.
• LANBIDEk egindako txostena, langabe gisa inskribatuta egondako aldiei buruzkoa.
• Lan-bizitza eguneratua edo curriculum vitae eguneratua.

Programaren garapena:

Lekua: Azitaingo Lanbide Heziketako Zentroa

Programaren iraupena: 270 ordu.

Edukiak:

• ESTALDURAK ETA IGELTSERO-LANAK: Luzituak, pintura, pladurra, trenkadak eta alikatatuak.
• ITURGINTZA: Zuinketa eta hoditeria prestatzea, hodiak manipulatzea eta lotzea. Sanitarioak eta txorrotak instalatzea.  Klimatizazioa
• ARGINDARRA. Tentsio baxuko instalazio elektrikoak eta automatismoak.
• AROTZERIA: Ateak, tarimak, zoru laminatuak eta hainbat altzari instalatzea.
• LAP: Lan- eta ingurumen-arriskuak prebenitzea.

Egutegia:

• Hasiera-eguna: 2018ko irailaren 11.
• Amaiera-eguna: 2018ko abenduaren 21a.
• Ordutegia: Astelehenetik ostiralera, 14:00etatik 18:00etara.