Eibarrek 'Kirolaren Europar Hiria 2023' titulua jaso du
ACES Europako egiaztatzaileak Ander Curiel Kirol zinegotziarekin. Irudia: Aces Europa.
Udalak herriko goi mailako kirol federatuari eta eibartar kirolari anonimoei aitortza eginez lortu du saria, eta baita Kirol Patronatuaren lanari eta kirolari lotutako kultura inmaterialari ere.
Eibarrek ‘Kirolaren Europar Hiria 2023’ titulua jaso du aste honetan; aitortza hori urtero ematen du ACES Europak —Bruselan egoitza duen irabazi asmorik gabeko elkartea, Europar Batzordeak aitortua— zeinak urtero hainbat sari ematen baititu, hala nola Munduko Hiriburuarena, Europako Hiriburuarena, Eskualdearena, Hiriarena, Uhartearena, Erkidegoarena eta Kirolaren Herriarena.
Aitortza horiek ACES Europak ematen ditu, erantzukizunaren eta etikaren printzipioetan oinarrituz, jakinik kirola gizartea batzeko faktore bat dela, eta bizi-kalitatea, ongizate psikofisikoa eta komunitatean erabat integratzea hobetzen dituela.
Udalak herriko goi mailako kirol federatuari eta eibartar kirolari anonimoei aitortza eginez lortu du saria, eta baita Kirol Patronatuaren lanari eta kirolari lotutako kultura inmaterialari ere. Beste gai askoren artean, izendapenaren ardura duen erakundeak duela hamarkada batzuetatik hona gure hirian dagoen emakumeen kirolaren sustraitze handia baloratu du. Halaber, izendapena posible egin duen beste gako bat Astelena pilotalekuaren jarduera da, 'Pilotaren Katedrala', edo Eibar Kirol Elkartea edo Eskubaloia Taldea (edo Arrate Kirol Gazteria, bere garaian bezalako kluben jarduera.
Eibarko kasuan, aurkeztu den hautagaitza 25.000 eta 500.000 biztanle arteko hirien kategoriara sartu da (gehieneko kupo bat dago urtero); aitortza hori Euskadiko beste hiri batzuek ere jaso zuten, hala nola Bilbok edo Getxok. Kirolaren Europar Hiria saria beste hiri batzuek ere jaso dute: Lisboa, Malaga, Madril edo Glasgow.
Gauzak horrela, Eibarrek konpromisoa hartu du 2023an hainbat obligazio betetzeko, besteak beste, honako hauek: “Eibar Kirolaren Hiria” marka ustiatzea, herrian nazioarteko lehiaketa edo kirol-kongresu bat antolatzea, edo Eibarren kirolaren alde egin den lan guztia mapan jartzea eta hedatzea.
Erlazionatutako edukia