Murrategi 136 eremuko Birgaitze Integratuko Plan Bereziaren hasierako onarpena
Iragarkia Gipuzkoako Aldizkari Ofizialean argitaratu (2021eko otsailaren 22a) eta hurrengo egunetik aurrera, hogei eguneko epean, espedientea aztertu eta dagozkion alegazioak aurkeztu ahal izango dira, 2021eko martxoaren 23ra arte.
Eibarko HAPOn Murrategi auzoa hirilur gisa ageri da, Murrategi 136 JI jarduera integratu gisa definituta; eta helburutzat du Murrategi auzoa berroneratzea, gunearen hiri-baldintzak hobetuz, eta hiri-trazatua eta kontserbazioaren xede izan daitezkeen eraikinak berriz aztertuz.
2016an Esparruaren Azterketa Sozio-urbanistiko bat egin zen eta Udalak bidezko tramiteak egin zituen Eusko Jaurlaritzan, esparrua Birgaitze Integratuko Eremua (BIE ) izendatzeko, eta horrela sortzen da Jarduketa Plan Berezia onartzeko premia.
Plan Bereziaren helburua da dagoen hiri-bilbearen zaharberritzea, babesa, kontserbazioa eta hobekuntza lortzea, eta hango biztanleen bizi-baldintzak hobetzeko jarduketa nahikoak proposatzea.
Plan Berezi honekin, finkatu egiten dira esparruko bizitegi-eraikin guztiak oraingo ordenamenduarekin, ahalbidetuz horrela haien berroneratze integrala eta Eremu osoaren berroneratzea.
Era berean, auzoko bizilagunei zuzendutako Planaren erakusketa publiko bat egingo da martxoaren 1ean, 18: 00etan, Azitaingo parrokian.