“Memòries d’un fotográf” Agusti Centelles argazkilari handiaren lana, Errepublika, gerra zibila eta exilioa iruditan batzen dituen erakusketa ederra, Eibarren izango dugu. Eibarko bonbardaketaren 80. urteurrenean, Eibarko Klub Deportiboko Argazkilaritza taldeak XX. mendeko lekuko onenenetarikoaren erakusketa dakargu: Agusti Centelles Osso (1909-1985) argazkilariaren erakusketa.
Gerrak Eibarren eragindako tragedia latz hura gogora ekartzeko hitzaldi dramatizatua bihar izango da, apirilaren 28an, iluntzeko 20:30etik aurrera, Coliseoan. Larunbatean, hilak 29, Untzaga plazan, gaueko 22:00etatik aurrera.
Eibarko Coliseoan, iluntzeko 7,30etan emango duen hitzaldiaren muina, historialariak berak adierazitakoa, hauxe da: “Gerra zibilak erabat astindu zuen mundua, zuen esanguragatik astindu ere: herri-erresistentzia jarki zitzaiolako kolpe militarrari. Gerra ez zen izan, inola ere, inozokeria, Espainiarentzako porrot historiko tragikoa baizik.”
Aldizkaria bere gain hartuta, lantalde berriak 2017ko martxoko alea kaleratu du. Ale berri honek 44 orrialde dauzka, denak koloretan. Luis Aranberri, Jesus Gutierrez, Ana Alberdi eta Jose Luis Gorostegi eibartarrek osatzen dute erredakzio-taldea eta, beti bezala, kolaboratzaileen laguntza paregabea dute.
Apirilaren 25etik 30era hainbat ekitaldi antolatu ditu Eibarko Udalak, Gogora: Memoriaren, Bizikidetzaren eta Giza Eskubideen Institutuarekin eta Gipuzkoako Foru Aldundiarekin elkarlanean, aurten betetzen baita Eibarko bonbardaketaren 80. urteurrena, herriak bizi izan duen unerik latzena.
Duela urte bete hasi zuen bere lana Gorka Castrillok. Argazki bat leku berean baina memento ezberdinetan ateratzea: horixe da erretrofotografia deritzon teknika, eta horixe da Gorka Castrillo eibartarra Ego Ibarrarentzako egiten aritu den lana. Dagoeneko amaitu du eta laster ikusi ahalko dute eibartar guztiek.
Bidea zabaldu zigutenak gogoratzeko egun seinalatua dugu gaurkoa; egun aproposa gure herriko emakumeak nola bizi ziren ezagutzeko, haien bizipenak, nahiak eta kezkak nolakoak ziren jakiteko. Adinekoek kontatu dizkiguten pasarteekin prestatutako bideoak ikustera gonbidatzen zaituztegu.
Nazioarteko Astronomia Elkarteak, Iruñako Planetarioak eta Espainiako Astronomia Elkarteak hala eskatuta, astrofisiko eibartarren izena jarri dio gure eguzki-sistemaren asteroide bati.
Kezka Dantza Taldeak jakin izan du txinpartatik su bizia ateratzen; tradizio-izpi zena ohitura bilakatzen. Aurtengoan, otsailaren 18an ibiliko dira kalez kale eta baserriz baserri.
Arrateko Ama kantu ezaguna 1933an idatzi zuten Don Poli Eibarko parrokoak (letra) eta Juan Bautista Gisasola musikari ezagunak (musika). Jatorrizko kantu luzeago haren bertsio laburtua da gaur egun abesten dena. Oraingo honetan informazio osoa argitaratzen dugu: jatorrizko letra, gaur egungoa, Gisasolaren partitura eta abestiaren MP3a, Usandizaga disketetxeak 60. hamarkadan grabatutakoa.
Azken ale honetan Margarita Olañetak sinatu duen editorialean 2017a berrikuntzaz beterik datorrela adierazi du: lantalde berriak aldizkaria bere gain hartu du eta martxoko alea prestatzen dihardute, ilusio itzelarekin eta proiektu berritzaileekin.
Eibarko Udaleko Ego Ibarra batzordeko egoibarra.eus webgune honek 85 bisita inguru jasotzen ditu egunero. 2016. urtean izandako bisitak 32.000 izan dira guztira; begiratu diren orrialdeak 125.000tik gora. Euskal Herritik kanpoko bisitariak % 40 dira: % 20 Espainiakoak eta beste % 20 munduko hainbat herrialdetakoak (Errusia, EEBB, Mexiko, Frantzia, Argentina, Erresuma Batua, Kolonbia eta Txile dira nagusi).
Eibarko plaza nagusia goitik hartuta balego moduan ikusten dugu Javier Martinek eskuz egindako ilustrazio horietan, 1896tik 2010era arte, 20 urte inguruko tarteetan. Marrazkien osagarri eta argigarri, garai bakoitzean herriko plazak izan dituen eraikin, altzari eta azpiegituren deskripzioak daude.
Ego Ibarra Batzordeak, azaroaren 24an egindako bilkuran, Gorka Castrillok aurkeztutako lanaren aurrerapena aztertu zuen. Lan hori, behar diren xehetasun guztiekin, amaituta edukiko du 2017ko urtarrilean.
Juan Mari Narbaiza "Errotarixa" (1949-2016) bertsolariaren heriotzarekin joan da Eibarrek izan duen plaza-bertsolari bakarra. Eibarko jai nagusi guztietako bertsolaria betiko joan zaigu. Datozen San Andresetan jendeak gogoan izango du; haren falta sentituko da.
Margarita Olañetak 14 urtez eraman du Eibar aldizkariaren koordinazioa eta ardura osoa, gogoz eta kemen handiz eraman ere. Azken ale honetan kaleratu duen agurrean eskerrak ematen dizkie aldizkariaren kolaboratzaileei eta eibartar guztiei, aldizkariak lehen aldiz kaleratu zenetik hona herritarren babesa eta onespena izan duelako. Aldi berean dio proiektuak segida duela; aldizkariak, hemendik aurrera ere, argia ikusten segituko duela.
Eibartarren Ahotan proiektua 1999. urtean sortu zuen Ego Ibarra batzordeak. Gure herriko historia eta etnografia sakonean aztertzeko helburuz jaio zen proiektua, Eibarko memoriaren, historia hurbilaren eta ondare kulturalaren berreskurapenean beste pauso bat emanez, oroimenik ez duen herriak ez duela aurrerabiderik dioen hatsarre zahar hura gogoan edukiz.
Tailer guztiak identifikatuta, gaur egun daudenak eta bota direnak, eta EUAn egindako ikerketa-lana amaitzear, laneko ardatz nagusi bi hauek hartu dira aurtengoan: tailerren arkitektura eta hiri-bilakabidea, lotura ezin estuagokoak biak.
Jose Zugasti (Eibar, 1952) eskultore, grabatzaile eta margolariak erakusketa asko egin izan ditu han-hemenka. Eibarren ostera, lehenengo aldiz, 1993. urtean erakutsi zuen bere lana.
Arrateko jaien egitaraua Eibarko Udalak antolatzen du baina horretarako laguntzaile ezin hobeagoak ditu: “…eta kitto! Euskara Elkartea, Kezka Dantza Taldea, Betikuak, Asola Berri Elkartea, Andirao Elkartea eta Klub Deportiboko Atletismo batzordea.
Uztailaren 22an omendu zuten zati bitan banatutako ekitaldi hunkigarri eder askoan, aurreneko zatiak Gorosabel zientzialaria izan zuen hizpide, bigarren zatiak, haren izana