Eibarko Udala

PSE-EE izan da garaile Eibarren 2023ko Udal eta Foru hauteskundeetan

2023/05/28
Eibarko Udal hauteskundeetako emaitzak: PSE-EE (8), EH-Bildu (6), Eibarko EAJ-PNV (6) eta Elkarrekin Podemos Eibar (1).

Alderdi bozkatuenak 4.474 boto jaso ditu (% 36,41), EH-Bilduk 3.301 ( % 26,86), Eibarko EAJ-PNVk 3.161 ( % 25,72) eta Elkarrekin Podemosek 663 ( % 5,39). PPk, berriz, 479 babes lortu ditu ( % 3,89), baina ordezkaritzarik gabe geratu da. Foru Hauteskundeei dagokienez, eibartarrek, lehenik eta behin, PSE-EEren alde egin dute, eta, ondoren, EAJ-PNV, EH-Bildu, Elkarrekin Podemos, PP eta Stop. Hauteskunde hauetan parte-hartzea % 60,34koa izan da, eta 2019an, berriz, % 67,58koa.

Igande honetan, maiatzak 28, egin diren Udal eta Foru Hauteskundeek PSE-EE utzi dute garaile, beste behin, Eibarren. Talde irabazleak 4.474 boto lortu ditu guztira, hau da, hautestontzietara joan direnen % 36,41. Horrela, Jon Iraola buru duen alderdiak 8 ordezkari lortu ditu Udalean, aurreko agintaldiarekin alderatuta bat galduta; 2019an 5.604 herritarren babesa lortu zuen ( % 39,21).

Babes handiena duen bigarren indar politikoa EH-Bildu da, 3.301 botorekin, hau da, guztizkoaren % 26,86. Horrela, Udalean ordezkari bat gehiago lortu du, 5 zinegotzi izatetik 6 izatera pasatuz. Hala ere, alderdi horrek boto-emaile gutxiago izan ditu 2019. urtearekin alderatuta, orduan 3.424 boto lortu baitzituen (% 23,96).

Hirugarren indar bozkatuena Eibarko EAJ-PNV izan da, 3.161 botorekin, hau da, hautesleen % 25,72rekin. Talde horrek ere apur bat okerrera egin du 2019ko datuekin alderatuta; izan ere, 3.702 lagunen babesa jaso zuen (% 25,90). Hala ere, aurreko agintaldian zituen 6 ordezkariak mantentzen ditu.

Eibartarren boto gehien jaso dituen laugarren taldea Elkarrekin Podemos izan da, 663 botorekin ( % 5,39). Horrela, ordezkari bakarra lortu du Udalbatzan, baina 2019arekin alderatuta ere behera egin du, orduan 941 lagunek eman baitzuten botoa ( % 6,58).

Bosgarren postuan, berriz ere, Alderdi Popularra dago 479 botorekin, hau da, boto guztien % 3,89, baina ordezkaritzarik gabe geratu da.

Foru Hauteskundeen zifrak Eibarren

Eibarko Foru Hauteskundeekiko egoera apur bat aldatu da. PSE-EE berriro nagusitu da Foru Aldundirako Hauteskundeetan 3.806 lagunen babesarekin (% 31,04), EAJ-PNV bigarren postuan kokatu da 3.519 botorekin (% 28,70), ondoren EH-Bildu 3.388 botorekin (% 27,63), Elkarrekin Podemos 713rekin (% 5,81), PP 553 botorekin ( % 4,51) eta Stop 74 botorekin ( % 0,60).

Parte-hartzeak behera egin du

2023ko Udal eta Foru Hauteskundeetan, Eibarren parte-hartzeak behera egin du 2019ko datuekin alderatuta; izan ere, hautestontzietara deituta zeuden 20.584 pertsonetatik 12.421ek eman dute botoa (% 60,34). 2019an, herritarren % 67,49k (14.365 pertsona) erabili zuen botoa emateko eskubidea.

Horrenbestez, abstentzioa % 39,65ekoa izan da (8.163 pertsona), 2019an baino handiagoa, garai hartan herritarren % 32,42 (6.918 pertsona) ez baitzen hautestontzietara joan.

Informazio gehiago: