Ohiko Osoko bilkura izango da gaur arratsaldean

Azaroko ohiko osoko bilkura izango da gaur astelehena, azaroak 26, Udalbatza Aretoan, 19:30ean. Gaur arratsaldeko saioa Twitter sare sozialaren bidez kontatuko da zuzen-zuzenean, hilero bezala. Twitterren udalbatzaren saioak kontatzeko #UdalbatzaEibar eta #PlenoEibar etiketak edo hashtag-ak erabiliko dira. Halaber, udalbatzaren saioa zuzenean ikusi ahal izango da Udalaren YouTubeko kontu ofizialean.

Gai zerrenda

1. 2018ko urriaren 15ean Udalbatzak egindako bilkurari dagokion  akta-zirriborroa  onartzea.
2. Alkatetzaren ebazpenen kontu-ematea.
3. 2018ko Udal Aurrekontuko Kreditu Gehigarrien bosgarren espedientea.
4. Gipuzkoako Gurutze Gorriari Pagaegi kaleko 5 behean dagoen ondasun higiezina doan lagatzea.
5. Etxeko Laguntza Zerbitzuaren Erregelamendu berria onartzea.
6. Kristobaldegiko Jesus, Maria eta Jose Monasterioko Ama Kontzeptzionista Frantziskotarrak sartutako 580/2018 auzi-errekurtsoan pertsonatzea.
7. Lanpostuen zerrenda aldatzea Ingurumeneko Teknikari plaza 1, Haurren, Familiaren eta Adikzioen Teknikari plaza bat sortuz eta Pegora arloko informazio-izapidetzako laguntzaile plazaren lanaldia aldatuz.
8. Toki Erakundeetako Langileen Lan Baldintzak Arautzen dituen Hitzarmena 2008-2010 UDALHITZaren 62. artikuluaren aldatzea (Norbere gauzetarako baimen ez ordaindua).
9. Irabazi Taldearen mozioa apostu eta ausazko aretoak ikastetxetatik, kultura-zentroetatik eta umeen guneetatik gertu egon ez daitezen.
10. EAJ-PNV taldeak aurkeztu duen mozioa, Eibarko etxe-atariak seguruak izan daitezen.
11. EAJ-PNV taldeak aurkeztu duen mozioa, Eibarko Ospitalerako garraio publikoa areagotzeko.
12. La Plazoleta elkarteak aurkeztu duen mozioa Txontako Informazio eta Prestakuntza Bulegoko gelaren erabileraz.
13. Galderak eta erreguak.