Zurrumurruen aurkako prestakuntza saioak. 3. saioa
Zurrumurruen aurkako prestakuntza saioak hartuko ditu Portaleak, herritarrei eta gizarte-erakundeei zuzendutakoak. Hiru saio izango dira, abenduan, urtarrilean eta otsailean
Eibarko Udaleko Kultura Aniztasunaren eta Immigrazioaren Unitateak eta ZAS! – Zurrumurruen aurkako Euskal Sareak hiru prestakuntza-saio antolatuko dituzte Eibarren, gizarte-trebetasunak sortzeko, gure ingurune hurbileko bizikidetza eta bizilagun-giroa hobetzeko, eta, hala, pertsona migratzaileen integrazioa bultzatzeko.
Zurrumurrua sintoma gisa hartuta, eta genero zeharkakotasunak eta dibertsitateak erabiliz, gure ingurune hurbileko bizikidetza eta auzo-giroa hobetuko duten gizarte-trebetasunak sortzea izango da helburua, estereotipoak testuinguruan kokatuz eta aztertuz, eduki horiek zurrumurruaren aurrean komunikazio-trebetasun, -jarrera eta -tresna praktikoak garatuz.
Hirugarren eta azken saioa otsailaren 13an izango da, aurreko kasuetan bezala Portalea eraikinean, 18:00etan, Elkarrizketarako eta komunikaziorako trebetasun praktikoak izenburupean eta Korapilatzen aholkularitzako (Aholkularitza, prestakuntza eta coaching-a) kide Asier Gallastegiren eskutik.
Eibarko Udalak erregistratzera eta parte hartzera gonbidatzen ditu Eibarko herritar guztiak. Izena emateko, e-maila bidali behar da immigrazioa@eibar.eus posta helbidera eta bertan parte hartzeko gogoa adierazi.