Energia aurreztu: Bat egin Eibarko TEK Tokiko Energia Komunitatearekin (Informazio-hitzaldiak)

2024ko amaieran Eibarko Udalaren bultzadarekin martxan jarri zenetik, Tokiko Energia Komunitatea (TEK Eibar) benetako alternatiba gisa finkatu da gure udalerrian % 100 berriztagarria den 0 km-ko energia kontsumitzeko.

Gaur egun, 200 familia eta tokiko negozio baino gehiago daude eredu honen barruan. Orain berriro ireki da azken 90 plazak betetzeko deialdia, instalazioaren kupoa osatu arte.

Horregatik, datozen egunetarako aurreikusitako edozein informazio-saiotara joateko gonbita egiten dizugu. Hona hemen datak:

·         Azaroaren 10ean, 18:30ean, Coliseo antzokian.
·         Azaroaren 12an, 12:00etan, Errebal eraikineko A aretoan.

 Zer landuko da saioan?

·      Eibarko TEK Tokiko Energia Komunitateari buruzko informazioa.

·      Autokontsumo kolektiboa etxearen faktura elektrikoa murrizteko aukera izan daitekeela, obrarik egin gabe.

·      Urrats errazak zure TEK Eibar komunitatearekin bat egiteko eta tokiko energia berriztagarria aprobetxatzeko.

·      Zure zalantza guztiak argitzeko gunea.

Ez utzi pasatzen zure negozioa jasangarriagoa egiteko aukera!

Gainera, komunitatearen inplikazioa saritzeko eta hutsik dauden plazak betetzea errazteko, TEK Eibarrek "Lagun Berria" promozioa jarri du abian.

Informazio gehiago nahi izanez gero, bisitatu proiektuaren webgunea https://www.comunidadenergeticalocal.eu/eu/proiektuak/eibar/ edo deitu 900 859 695 telefonora astelehenetik ostiralera 10:00etatik 18:00etara.