Bigarren eskuko bizikleten azoka eta konponketa tailerra - Mugikortasunaren Europako Astea

Erabilitako bizikletak eta patineteak berrerabiltzeko eta mugikortasun jasangarria sustatzeko ekimena da. Herritar guztiek parte har dezakete gordailu-sistema bidezko salerosketa merkatu honetan. 

Ekarri ezazu saldu nahi duzun bizikleta edo patinetea larunbatean bertan Untzaga plazara Gordailu-zerbitzuan uzteko. Nahitaezkoa da aurrez telefonoz deitzea (943 670 249); bizikleta edo patinetea uzteko hitzordua emango dizugu. Azoka amaitzean, saldutakoaren dirua emango dizugu edota utzi duzuna. Zerbitzua doakoa da. Gehienezko prezioa 500 €-koa izango da. Egoera onean daudenak bakarrik onartuko dira.

Oharra: Parte hartzeko, adin nagusikoa izan behar da eta norberaren datuak eskatuko dira (NANa eta telefonoa). Halaber, behar duzuna aurki dezakezu, prezio interesgarrian. COVID-19: Nahitaezkoa musukoa eramatea. Indarrean dauden osasunaren prebentziorako segurtasun neurriak jarraituko dira.

Bizikletak konpontzeko tailerrean parte hartzeko aukera ere izango duzu.