Udalaren jakinarazpena 2020ko aratosteen ekintzen inguruan

Eibarko Udalak honako erabaki hauek hartu ditu, aratosteen inguruan, Zaldibarko zabortegiko lur-jausia dela-eta:

1. Hezkuntza-komunitatea hartzen ari den erabakiekin bat etorriz, jarraitzea Eusko Jaurlaritzako Osasun Kontseilaritzaren Osasun Publikoak emandako gomendioei.
2. Eibarko Udalak antolatutako Eguen Zuri eguneko ekitaldiak bertan behera lagatzea. Osasun Kontseilaritzaren Osasun Publikoko gomendioak indargabetuko balira, ekitaldiak Martitzenean egingo lirateke
3. Datorren osteguneko analisien emaitzen zain geratzea, eta Eusko Jaurlaritzako Osasun Publikoak emandako aholkuei jarraitzea. Gomendioei eutsiz gero, bertan behera geratuko lirateke Eibarko Udalak Aratosteetarako antolatutako jarduera guztiak. Aholku horiek indargabetuz gero, Aratosteetako egitarauari eutsiko zaio.
4. Ostegunean, otsailak 20, Eusko Jaurlaritzako Osasun Publikoko aholkuak ezagutu ondoren jakinaraziko da hartutako erabakiaren berri.

OHARRA: Ostegun arratsaldean, otsailak 20, egitekoak ziren aratosteetako jarduera guztiak bertan behera gelditu direnez, erdigunea ez da oinezkoentzat jarriko.