Udal kirol instalazioak erabiltzeko erreserbak telefono bidez egin beharko dira
Interesatuek Unbera deitu beharko dute (10:00etatik 20:00etara), 943701506 telefonora, edo Ipuruara (08:00etatik 15:00etara) 943203240 telefonora.
Eibarko Udalarekin eta Udal Kirol Patronatuarekin zerikusirik ez duten arrazoiengatik, udaleko kirol-instalazioak erabiltzeko erreserbak formalizatzeko aukera emango duen web-aplikazioak, gaur goizerako prest egon behar zuenak, ez ditu oraindik edukiak osorik eskaintzen, eta, beraz, erabiltzaile askok ezin izan dituzte erreserbak egin.
Horregatik, herritarrei jakinarazten zaie, horretarako kontratatutako enpresak aplikazioaren eduki guztiak argitaratzen dituen bitartean, erreserbak telefonoz formalizatu ahal izango direla, Unbera deituta (10:00etatik 20:00etara), 943701506 telefonora edo Ipuruara deituta (08:00etatik 15:00etara) 943203240 telefono-zenbakira.
Aldez aurretik hitzordua hartu ahal izango da 24 ordu lehenago, eta dagoeneko irekita dauden kirol-instalazioetan eskaintzen diren zerbitzuetarako erreserbak egiteko aukera emango du, hala nola Ipuruako estali gabeko igerilekuetarako.
Aplikazioa sortuta, edukiera eta fluxuak kontrolatu nahi dira, osasun-krisiaren aurrean erabiltzaileen segurtasuna bermatzeko.