Udazkeneko Jabetze Eskolako ikastaro berrien aurrematrikula egiteko epea zabalik
Jabetze Eskolako udazkeneko ikastaroetan aurrematrikula egiteko epea gaur hasi eta irailaren 23an amaituko da.
Beste denboraldi batez, Emakumeen Jabetze Eskola, errealitatea ikuspegi kritiko, dekolonial eta feministatik hausnartzeko, eztabaidatzeko eta aztertzeko topalekua izango da. Estrategia eta aliantza feministak sortzeko eta indartzeko gunea, non ikastaro eta tailer desberdinetatik maila pertsonalean eta kolektiboan indartzeko prozesuak bultzatuko diren.
Eskainiko diren ikastaroak honako hauek izango dira:
- Zoru pelbikoa indartzeko tailerra: gure gorputzak ahalduntzen (GAZ). Aurrematrikula.
- Emakumeak inprobisatzen (GAZ). Aurrematrikula.
- Diafreoa: tentsio muskularrak askatuz eta gure bizipenak integratuz (GAZ). Aurrematrikula.
- Autodefentsa Feminista tailerra (EUS). Aurrematrikula.
- Mugimendu adierazkorra lantzeko tailerra: gorputz-adimena, emozioak eta ahalduntzea (EUS). Aurrematrikula.
- Gure inguruko sendabelarrak ezagutu eta erabiltzen hasteko oinarrizko ikastaroa (EUS). Aurrematrikula.
Aurrematrikulak gaurtik eta irailaren 23ra egin ahal izango dira (biak barne). Aurrematrikula egiteko, Udalaren eta Andretxearen webguneetan eskuragarri dagoen online inprimaki bat bete beharko da. Andretxean ere aurrez aurre bete ahal izango da.
Animatu parte hartzera!
