Ahalduntzeko espazioak
Pertsonaletik kolektibora, talde-gakoko prozesua bezala, ahalduntzea lan egiteko espazioak dira. Behar ezberdinak atenditzeko eta lantzeko hainbat espazio garatzen joango dira.
*Harreman afektiboak Tratu Onak sustatzeko Gunea
Hau talde eta prozesu espazioa da. Tratu onaren eredutik harreman afektiboak landu nahi duten emakumeei zuzendua. Emakumeen arteko harremanak konplexuak dira. Askotan, konturatu gabe, nagusitasun-menpekotasun eskema bera eta botere erlazioak errepikatzen ditugu. Indarkeria eta boterea ahal denean erabiltzen delako.
Horregatik, tratu txarren aurrean diskurtsoa lantzea soilik ez da nahikoa. Bizipenak, sentsazioak, zirrarak eta beste diskurtso mota bat landu behar dira. Tratu txarraren aurrean, tratu ona landu beharko genuke.
Espazio honetan tratu ona hiru dimentsiotan landuko dugu: barnekoa, harremanetakoa eta soziala.
Espazio honen helburu orokorra da emakumeen ahalduntzean laguntzea, tratu ona maila pertsonalean, erlazioetan eta baita arlo sozialean ere txertatuz, bake erlazioak sortzeko nork bere buruarekin eta ingurunearekin.
Saioak hilean bi ostegun izango dira, 17:00etatik 19:00etara, Andretxean.
Dinamizatzailea Inma Merino de Castro izango da, Lura terapia psikologiko eta sexologikoko gunekoa.
Saioak gaztelaniaz izango dira.
*Gure burua maitatzen ikasten Gunea
Gure burua maitatzen ikasten espazioaren hartzaileak dira indarkeria matxistatik irten nahi duten emakumeak: bortizkeria dagoen erlazioetan murgilduta egonda, oraindik erabakiak hartzeko prest ez dauden emakumeak; orain dela gutxi banatuta, larrialdiaren eta krisiaren berehalakotasunean daudenak; eta banandu ondoren ,bizitza-proiektu baliotsu eta duina tratu onetik eraikitzeko, kaltetutako identitatea konpondu beharra duten emakumeak.
Espazio honen helburu orokorra da bortizkeria pairatu izan duten emakumeen ahalduntze prozesua sustatzea, bere bizitzaren gaineko erabakiak hartzeko, talde interakzioaren bidez, eta tratu onetik bizitza-proiektu bat sortzeko.
Dinamizatzailea Itziar Gandía Quintanilla izango da, Lura terapia psikologiko eta sexologikoko gunekoa.
Saioak gaztelaniaz izango dira.
*Genero indarkeriaren kontrako Estatu Itunak diruz lagundutako gunea.
*Empalabramiento: Jabetzea bultzatzeko erderazko klaseak
Empalabramiento programa sortu zen genero ikuspegia kontuan hartzen duten materialak egokituta eta ikasleak zein testuinguru sozialetan bizi diren aintzat hartuta.
Empalabramiento programaren helburu nagusia da, gaztelania ikasten duten bitartean, emakumeek bere eskubide eta ahalmenen kontzientzia indibiduala hartzea, baliabideak eskuratzea, eraginean irabaztea eta jendartearen parte izatea eskubide osoko herritar gisa eta baldintza-berdintasunean.
Saioak astearteetan, ostegunetan eta ostiraletan goizeko 10:00etatik, 12:00etara, Andretxean, izango dira.
Formatzailea Nerea del Campo Aguirre da.
OHARRA: parte hartzeko, aldez aurretik abisatu behar da Andretxera deituz edo mezu elektroniko bat bidaliz.