Lan aholkularitza zerbitzua zaintzaile eta etxeko langileentzat

Legeak ezartzen dituen eskubideak eta betebeharrak ezagutzea bezain garrantzitsua da horiek eskatzeko eta errespetarazteko baldintzak lantzea.

Horretarako, Eibarko Udaleko Berdintasun Zerbitzuak lan-eskubideetan espezializatutako abokatu baten banakako arreta eskaintzen du astero Andretxean. Lan-eskubideetan espezializatutako abokatua da, eta esperientzia handia du zaintzaile eta etxeko langileen arretan.

Etxeko eta zaintzako laneko lan-orientazioko zerbitzuak honako hau eskaintzen du:

• Zaintzaileen eta etxeko langileen lan-eskubideei buruzko orientazioa eta aholkularitza.
• Zaintzaileen eta etxeko langileen prestakuntza-beharretan laguntzea.
• Koordinazioa eta Eibarko Udaleko Gizartekintza sailera bideratzea, gizarte-beharren arabera.
• Bitartekaritza eta aholkularitza gizarteratzearen eta laneratzearen arloan.
• Laguntza berezia enplegagarritasun-maila txikiagoa eta lan-merkatuan sartzeko zailtasun handiagoa duten pertsonei.

Era berean, lege-aholkularitza eskaintzen da zaintzaile eta etxeko langileeak kontratatu nahi duen edonori, era horretako kontratazioetan legeak ezartzen dituen eskubideak eta betebeharrak ezagutzeko.

Zerbitzu hau asteazkenero doan eskaintzen da 16:30etik 19:30era, Andretxean.

Arreta jaso ahal izateko, hitzordua eskatu beharko da aldez aurretik:

• Andretxeari whatsapp bat idazten: 688 85 34 40.
• Mezu elektroniko bat bidaliz helbide honetara: andretxea@eibar.eus