AndretxeaSEX- Sexu Bulegoa
Eibarko Udaleko Berdintasun Zerbitzuak pertsona guztien eskubide eta askatasun sexualak sustatzen ditu, identitate, desio, harreman eta sexualitateei askatasunean bizi daitezen bide emateko.
Aholkularitza afektibo-sexualerako zerbitzuak, sexologa baten eskutik, honako hau eskaintzen du Andretxean:
- Ume, nerabe zein gazteentzako hezkuntza afektibo-sexualerako orientazioa, aholkularitza eta akonpainamendu arduratsua.
- Bakarkako arreta edo talde txikitan.
- Konfidentzialtasunez eta hurbiltasunez, zalantzak argitzeko gunea: sexualiatea eta harreman osasuntsuak, desiraren orientazioa, identitatea…
Sexologoak doan eskaintzen du arreta ostegunetan, hamabostero, 17:00etatik 19:00etara Andretxean.
Zerbitzura joateko, hitzordua eskatu beharko da aldez aurretik:
- Deituz edo whatsapp bat idatziz honako telefono zenbaki honetara: 688 853 440
Andretxera etorri ezin izatekotan eta zalantzaren bat argitu behar izan ezkero, honako helbide elektroniko hau ere jarriko da behar duenaren eskura: andretxea@eibar.eus