Untzaga plazak kultur urbanoaren erreferente den ‘Breaking Eibar’ ekimenaren hamaikagarren edizioa hartuko du ekainaren 13an

Untzaga plazako harmailak kultura urbanoaren epizentroa bihurtuko dira datorren ekainaren 13an, Breaking Eibar ekimenaren hamaikagarren edizioan. Ekitaldiak —hiriaren egutegi kulturalean jada finkatuta dagoena— Espainiako eta nazioarteko breaking dantzari onenetako batzuk bilduko ditu.

16:00etan hasiko dira kanporaketa-errondak, eta hip hop, zuzeneko musika eta break beats estiloaz lagun, parte-hartzaileek beren talentua, sormena eta inprobisatzeko gaitasuna erakutsiko dute publikoaren aurrean.

Edizio honetan, dantzariak 2vs2 (bikoteak) modalitatean lehiatuko dira, eta ekitaldiaren historian eskudirutan inoiz eman den saririk handiena izango dute jokoan, 1.600 euro guztira. Horrez gain, saioaren ezaugarri nagusia Octogon Drums Battle dantza-bataila izango da, formatu berezia eta ikusgarria emango diona lehiari.

Diziplina honen funtsari jarraituz, batailak musikan oinarritutako inprobisazio-erronden bidez garatuko dira, zeinetan parte-hartzaileek beren arintasun fisikoa, erantzuteko gaitasuna eta mugimenduen originaltasuna erakutsiko dituzten.

Andoni Zabala Kultura zinegotziak proiektuaren ibilbidea azpimarratu du eta urtez urte finkatu eta sendotu izana: “Breaking Eibar’ ekimenaren hamaikagarren ediziora iristeak erakusten du badagoela benetako interes bat adierazpen-modu hauekiko. Nahi duguna da hiriaren erdigune neuralgikoak, Untzaga plazak, kultura biziaren erreferente izaten jarraitzea. Ekitaldi hau ez da soilik gazteentzako ikuskizun erakargarri bat; plataforma bat ere bada, non arintasun intelektuala eta errespetua saritzen diren. Eta guk  balio horiek indartu nahi ditugu Kultura Sailetik”.

Bestalde, Jon Iraola Eibarko alkateak kultur proposamen anitzak eta publiko berriei irekiak bultzatzen jarraitzearen garrantzia azpimarratu du: “Breaking Eibar gure kultur programazioaren hitzordu berezi eta erakargarrienetako bat bihurtu da. Ekitaldi honek belaunaldi berriekin konektatu, sormena sustatu, eta espazio publikoa elkarbizitzarako eta adierazpen artistikorako leku bihurtzen du. Gainera, laguntzen du Eibar dinamiko eta ireki baten irudia proiektatzen, alegia, kultura mota guztiekin konprometitutako hiri baten irudia. Eibartar guztiak gonbidatzen ditugu Untzagara hurbiltzera eta lehen mailako ikuskizun batez gozatzera, gure hiria berriz ere erritmoz, talentuz eta energiaz betetzeko”.