Indarkeria Matxisten Aurkako Eguna: irakurketa-gida eta interesgunea Udal Liburutegian

2023/11/22

Ez mendekoak, ez ikusezinak

Berdintasun Zerbitzua - Andretxearekin elkarlanean aukeratutako liburu eta film sorta batetik abiatuta, irakurketa-gida bat argitaratu dugu; beste behin ere, emakumeen aurkako indarkeria desagerrarazteko jardueretan lagundu nahi dugu ekintza honekin.

Gida honek fikziozko liburuen, saiakeren, gazteentzako eleberrien, haurrentzako ipuinen eta emakumeen aurkako indarkeria matxista gai nagusi duten filmen sorta bat biltzen du.

Gidako material guztiak liburutegiaren sarreran dagoen interesgunean daude eskuragarri.

Era berean, emakumeen aurkako indarkeria matxisten amaiera aldarrikatzeko antolatutako egitarauaren ekitaldietan parte hartzera gonbidatzen du Liburutegiak.