Komiki tailerrak: aurreinskripzioa

Eibarko Juan San Martin Liburutegiak jarduera berri bat jarri nahi du martxan, komikiari protagonismo handiagoa emateko

Tailer hauek Martin Azplikueta Iparraguirre eibartarrak eskainiko ditu.

Aurre inskripzioa: apirilaren 1etik 20ra. 

Hartzaileak

Asmoa bi talde sortzekoa da:

Bi talde antolatuko dira, partaide kopuru nahikoa lortzen bada.

1. Umeak: Lehen Hezkuntzako 4. mailatik Bigarren Hezkuntzako 1. mailara. Saioak euskaraz burutuko dira. Taldea izen-ematearen arabera osatuko da, parte-hartzaileen adina ahalik eta homogeneoena izan dadin saiatuz. Formularioa
2. Gazte eta helduak: 16 urtetik gorako pertsonentzat. Saioen hizkuntza partaideen arabera izango da. Formularioa

Egutegia eta tokia

Apirilak 27 eta maiatzak 11 eta 25, baldin eta gutxieneko parte-hartzaile kopuru bat badago. Urritik aurrera jarraipena emango zaio.Portalean burutuko dira.

Ordutegia: 17:30 - 18:30 umeak eta 19:00 - 20:00 helduak.

Prezioa: Dohainik

Tailerren edukiak

Aurreikusitako jardueren artean, gelan bertan egingo den lan teoriko eta praktikoaz gain, eduki hauek landuko dira, orokorrean:

• Komiki irakurketa taldeak
• Landa-koadernoa (“Urban sketchers” motako jarduerak)
• EHUko eta inguruko komikigileen hitzaldiak
• Tailerretan ekoitzitako materiala autoeditatuko da
• Ikasturte amaieran erakusketak egingo dira originalekin

Edukiak gazte eta helduentzat

1. Komikia: europarra, amerikarra; klasikoa eta garaikidea; autore-komikia; eleberri grafikoa; comix; komiki underground... Garai eta estilo ezberdinetako autore ugari landuko dira, hedabide honen potentzialtasun eta izugarrizko aukera anitzak erakustearren.
2. Formatuak

• Tira, umorea, gag
• Orrialdea

Umeak eta nerabeak

1. Aurkezpena. Gainbegirada bat komiki munduari, bai klasikoei, bai oraintxe bertan egiten are denari. Komikia, tebeoak, nobela grafikoa…
2. Pertsonaien eta istorioen sorrera

• Aurpegia: nola marraztu. Komikian aurpegia edo bestelako zerbait irudika daiteke guk nahi dugun moduan. Askatasun osoz. Hainbat teknika ezagutuko dira.
• Gorputza eta janzkera, posizioak marrazterakoan: aurretik, atzetik eta hiru laurdeneko posizioan (ezkerrera edo eskumara begira)