Eibarko Udala

Bi musika-ikuskizun izango dira "Galizia Eibarren" ekimenaren baitan, hilaren 22an eta 23an, Koliseoan eta Errebal Plazia eraikinean

2021/10/18
TOR e invitados taldearen argazkia.

Urriaren 22an, ostirala, "TOR e invitados" taldeak bere azken CDa aurkeztuko du Koliseoan, 20:00etan, "Folk Céltico da Galiza" izenpean. Sarrerak 5 eurotan daude salgai Kutxabanken eta Koliseoko leihatilan. Egun bat geroago, larunbatean, urriaren 23an, Errebal Plazia eraikinean Gallego Astarot taldearen heavy-folk kontzertua izango da, 20:00etan. Azken ikuskizun hau doakoa izango da, baina sarrerak Kutxabanken edo Koliseoko leihatilan erreserbatu beharko dira.

Jon Iraola Eibarko alkateak, Juan Jose Flores Galiziako Kultur Etxeko presidentearekin eta Jose Luis González Udaleko Kultura teknikariarekin batera, "Galizia Eibarren" ekimena aurkeztu du gaur goizean Eibarko Udaletxean; urriaren 22an eta 23an gure hirian izango diren bi musika-ikuskizunek osatzen dute ekimen hori.

Ostiralean, hilak 22, TOR e invitados taldeak bere azken CDa aurkeztuko du Koliseo Antzokian, 20:00etan, "Folk Céltico da Galiza" izenpean. Bertaratzen direnek Galiziako tradiziotik jasotako kantuen folk instrumental musikako kontzertuaz gozatzeko aukera izango dute; iturri nagusia Arquivo Castro Vicentek (Cástor eta Félix Castro) azken hogeita hamar urteetan egindako lana da.

Batez ere gaitak, zurezko flautak, kontzertinak edo akordeoi diatonikoak gidatutako lerro melodikoarekin batera, zati harmonikoa bouzoukiak eta kontrabaxuak osatzen dute, soinu akustikoa osatuz, Europako folk atlantikoaren joerekin bat etorriz. Muiñeira, jota, alborada, kalejira eta piruxalda sortak, besteak beste, alalasa, erregeen kantuak, baltsak edo mazurkak bezalako gai lasaiagoekin partekatuko dira.

Sarrerak 5 eurotan daude salgai, Kutxabanken bidez edo Koliseo Antzokiko leihatilan bertan, ohiko ordutegian (astelehen eta ostiralean, 17:30etik 19:30era).

TOR e invitados taldea Cástorrek (zurezko flautak, buzuqui), Félix Castrok (angloconcertina, akordeoi diatonikoa, gaita), Xosé Lizek (bouzouki) eta Alvaro Iglesiasek (kontrabaxua) osatzen dute.

Aurkezpen-bira honetan, gainera, CDaren bi kolaboratzailek parte hartuko dute Eibarko Coliseo Antzokian: Pancho Alvarez (biolina), multiinstrumentista ezaguna eta Angel Ruiz (banjoa), Overseas banjoko munduko txapelduna Nashvillen (2004).

Halaber, Soco Ruak (pandeireta), Lucía Cedrón eta David Leadbeaterrek (dantza bikotea) eta Agrupación Os Galaicos de la Casa de Galicia As Burgas de Éibar taldeak parte hartuko dute.

Astarot, urriaren 23an, larunbata, Errebal Plazia eraikinean

Bestalde, urriaren 23an, larunbata, "Errebal Plazia" erabilera anitzeko eraikina eta kultur ekipamendua izango da heavy-folk kontzertuaren egoitza, 20:00etan, Gallego Astarot taldearen eskutik. Carlos Gandonek sortu zuen Gallego Astarot taldea, 1983an, Cangas del Morrazon (Galizia). Ikuskizun horretan, talde galiziarrak "Una Vida en Un Segundo" azken diskoko kantuak aurkeztuko ditu.

Musika talde beteranoak areto eta jaialdi askotan hasi zuen bere ibilbidea, publikoari bere errepertorioa aurkeztuz eta garai hartako talderik eraginkorrenekin eszenatokia partekatuz.

Kontzertua doakoa izango da, baina bertaratzeko interesa duten guztiek sarrera erreserbatu beharko dute, Kutxabanken bidez edo Koliseo Antzokiko leihatilan bertan jasoz, ohiko ordutegian.