Eskalada tailerra 2022-01

2022/01/13

Eibarko Udalak eskaladaren inguruko tailerra antolatu du kirol ikusgarri honetan murgiltzeko. Izena emateko epea urtarrilaren 21tik 31ra bitartean egongo da zabalik. Tailerrak Lehen Hezkuntzako 3., 4., 5. eta 6. mailako ikasleei zuzenduta daude.

Helburuak:

  • Kirol ezberdinen eskaintza zabaltzea.
  • Haurren eskaerei erantzuna ematea.
  • Lagun berriak egitea eta adin tarte bereko lotura egonkorrak sustatzea.
  • Eibarko elkarteei laguntzea.
  • Haurren aisialdian modu aktiboan gozatzeko aukerak zabaltzea.  
  • Neska-mutilen arteko aukera Berdintasuna sustatzea.

Tramitazailea: Eibarko Udaleko Kultura saila (Haurreria eta Gazteria).

Zeinen eskutik: Inguru Abentura.

Nori zuzendua: Lehen Hezkuntzako 3., 4., 5. eta 6. mailakoentzat.

Tokia: Ipurua Kiroldegiko rokodromoan.

Datak eta ordutegia (egun eta ordutegi bakarra aukeratu ahal da):

  • Otsailak 6. Ordutegia: 16:45etik 18:15era.
  • Otsailak 6. Ordutegia: 18:15etik 19:45era.
  • Otsailak 13. Ordutegia: 16:45etik 18:15era.
  • Otsailak 13. Ordutegia: 18:15etik 19:45era.
  • Otsailak 20. Ordutegia: 16:45etik 18:15era.
  • Otsailak 20. Ordutegia: 18:15etik 19:45era.

Ikasleek ekarri beharreko materiala: Kirola egiteko zapatilak eta arropa erosoa.

Ikastaroaren prezioa:

  • Eibarren erroldatuak: 5€.
  • Eibartik kanpokoak: 10€.

Ordaintzeko modua: Matrikula ordainketa bakar batean kobratuko da, erreziboa helbideratuta.

Ikasle kopurua: gutxienez 4, eta gehienez 8.

Ikastaroaren hizkuntza: Euskeraz.

Izena emateko tokia:

Eskaera egiteko epea: urtarrilaren 21etik 31ra (biak barne).

Aurrematrikula egiteko epea amaitzerakoan behin-behineko zerrendak lortuko dira eta taldeen kudeaketa burutuko da. Izena eman duten pertsonen kopurua ez bada heltzen ikastaroa emateko ezarritako gutxieneko ikasle-kopurura, ez da ikastarorik egingo. Abisua udalaren web orrian emango da (www.eibar.eus), otsailaren 2an.

Matrikularako izena eman dutenen kopurua ezarritako gehieneko ikasle-kopurutik gorakoa bada, ikasleen aukeraketa zozketa bidez egingo da. Zozketa Portalean egingo da. Hona hemen zozketa-eguna eta ordua: otsailaren 2an 10:00etan. Zozketan emaitza eguerdiko 12:00etan argitaratuko da.

Zozketako arauak eta oinarriak kontsultatzeko klikatu hemen

Behinbetiko zerrendetan dauden ikasleak matrikula orria behar bezala beteta eraman beharko dute tailerraren aurreneko egunean. Bertan klikatu matrikula orria deskargatzeko

LH3, 4, 5 eta LH6-ko ikasleei kontu korrontetik pasatuko zaie ikastaroaren ordainketa.