Umeen bertso jaialdiak Coliseoan
Jaialdiak maiatzaren 21ean, 22an eta 24an izango dira 18:00etan
Urtero bezala, maiatzean, Eibarko ikastetxeetako umeek ikasturtean zehar gela barruan landutako bertsolaritzaren emaitza aurkeztuko dute Coliseoan.
Maiatzaren 21ean Amaña, Iturburu eta La Salleko Lehen Hezkuntzako 5. mailako ikasleak izango dira taula gainean. Hurrengo egunean, 22an, asteartean, ikastetxe horietako LH6. mailakoen txanda izango da. Eta maiatzaren 24an, ostegunean, Arrateko Andra Mari, San Andres, Urkizu eta Aldatzekoak izango dira Coliseoko eskenatokian.
Sarrerak ikastetxeetan egon dira salgai, baina aukera dago leihatilan edota internet bitartez erosteko ere.
Salmenta arrunta: emanaldia baino ordubete lehenago
Aldez aurreko salmenta: astelehenetan eta ostiraletan 17:30-19:30
Internet bitartez: www.kutxabank.es