Irailaren 1etik 25era zabalik egongo da Udal Euskaltegian 2026-2027 ikasturterako matrikula egiteko epea

Eibarko Udal Euskaltegian matrikulatzeko epea zabalik egongo da irailaren 1etik 25era arte. Maila guztiak eskaintzen ditugu ( A1, A2, B1, B2, C1 eta C2) ordutegi zabalean, goizean, eguerdian eta arratsalde-gauean. Txandaka aritzeko aukera ere badago. 

Ikastaroak aurrez aurrekoak zein autoikaskuntzakoak dira. HABEren titulu ofizialak ateratzeko aukera dago, deialdi itxian.

• Tarifa bereziak: langabetu, ikasle, guraso, merkatari/ostalari, enplegatu eta 65 urtetik gorakoek % 50eko deskontua izango dute matrikulan.
• Euskara Bonoa: Eusko Jaurlaritzaren dirulaguntza berria. Galdetu baldintzez Udal Euskaltegian.
• Ikasturte bukaeran, ordaindutakoa berreskuratzeko aukera egongo da.

HABE azterketak

Azterketetarako matrikula epea zabalik dago irailaren 7tik 13ra.

Zatoz eta galdetu!