Udal euskaltegia

Udal Euskaltegiak 1985ean zabaldu zituen bere ateak. Harrezkero, bere egiteko nagusia, euskararen normalizazioa gauzatu dadin, herritarrak euskalduntzea eta alfabetatzea izan da eta da, Hezkuntza sistemaren osagarri jokatuz, 16 urtetik gorakoei eskainia baita. Euskaltegiak 10 irakasle tituludunez osatutako talde indartsua du, profesionala eta esperientzia handikoa. Hamar irakasle horietako bostek, gainera, azterketa ofizialetako aztertzaile akreditazioa dute.

HABEk ezarritako curriculumari jarraituz, maila guztietako klaseak ematen dira euskaltegian, aurrez aurre eta ON LINE. Ordutegi zabala eta erritmo ezberdinak eskaintzen dira (egunean 2 orduko ikastaroak, 4 orduko trinkoak; astean 2 egunekoak; 100 orduko ikastaroak…). 

Funtzioak:

• Euskalduntze eta alfabetatzerako zerbitzu anitza eta zabala eskaintzea.
• Edozein arlotan (lantegi, ikastetxe, erakunde…) premiak antzematea eta horri erantzutea.
• Tituluak  (HABE, IVAP…) lortzeko prestakuntza ikastaroak ematea.
• Derrigorrezko Hezkuntzako irakasleria birziklatzeko eta eguneratzeko ikastaroak ematea.
• Euskararen erabilera bultzatzeko kanpo ekintzak antolatzea.

Helbidea: PORTALEA eraikina (2. solairua). Bista Eder, 10

Helbide elektronikoa: euskaltegia@eibar.eus

Telefonoa: 943 70 09 12

WhatsApp: 688 698 566

Gure WhatsApp kanalera harpidetu zaitez QR honen bidez

Bulego ordutegia:

• Astelehenetik ostegunera: 08:30 - 14:00 eta 16:30 - 19:00
• Ostiraletan: 08:30 - 14:00