Edukira salto egin | Salto egin nabigazioara

Errebal Plazia: Aparkalekuak eta trastelekuak 50 urteko emakidan

Errebal kaleko 16. zenbakian dagoen bulego berriak 101 garaje eta 26 trasteleku emakida-erregimenean merkaturatzeko prozesua kudeatuko du. Garaje eta trasteleku horiek 'Errebal Plazia' kultur ekipamenduaren eta funtzio anitzeko eraikinaren -2. solairuan kokatuko dira.

101 aparkalekuetatik (horietatik 26k trasteleku bat izango dute lotuta) 3 mugikortasun urriko pertsonentzat egokituta egongo dira

Garaje gehienen prezioa, salbuespenen bat izan ezik, 17.000 eurokoa izango da (12 metro koadro inguruko garaje estandarrentzat) eta 3.500 eurokoa trastelekuen kostua. Eta garaje edo trastelekuak eskuratu ahal izateko, zozketa bat egingo da interesa duten guztien artean. 

Emakidako erregimenean dauden garajeak eta trastelekuak esleitzea

Garaje eta trasteleku horien esleipena egiteko, uztailaren amaieran amaituta egongo dena, hiria 3 gunetan banatu daA gunea, B gunea eta C gunea".

A eremuak garajeetatik eta trastelekuetatik gertuen dauden kaleak hartzen ditu, hala nola, Errebal, San Agustin, Estaziño edo Bidebarrieta kalea, Arikitzako zubiraino. Hain zuzen ere, lehenengo gune horretako bizilagunek izango dute lehentasuna garajeak eta trastelekuak erosteko.

Bigarrenik, B gunea Errebaletik hain gertu ez dauden beste kale batzuez osatuta dago, hala nola Fermin Calbeton, Toribio Etxebarria edo Arragueta.

Eta, azkenik, C gunea Errebaleko eraikin berritik urrunago dauden gainerako kale eta eremuei dagokie.

Nolanahi ere, B eta C eremuetako bizilagunek ere garaje edo trastelekuak eskuratu ahal izango dituzte, baldin eta A eremuan bizi diren pertsonek eskainitako plaza guztiak agortzen ez badituzte.

Garaje eta trastelekudun garajeen zozketan parte hartzeko baldintzak

Halaber, garajeen eta trastelekudun garajeen esleipen-zozketan parte hartzeko, honako baldintza hauek bete beharko dira: pertsona fisikoa izatea; 2021eko urtarrilaren 1a baino lehen aipatutako garajeak edo trastelekudun garajeak eskuratu nahi diren zonako etxebizitzan erroldatuta egotea; helbide fiskala Eibarren duen ibilgailu baten jabea izatea, zeinak ordainduta izan beharko baititu EEIri (Trakzio mekanikozko ibilgailuen gaineko zerga) dagozkion gastu guztiak; eta 2 garaje-plaza edo gehiago jabetzan ez izatea A gunean.

Garaje bakarra jabetzan izanez gero eta bi ibilgailu edukiz gero, garaje bakarra edo trastelekudun garajea eskuratzeko aukera izango litzateke. Beraz, pertsonako 2 garaje-plaza lortu ahal izango dira, betiere jabetzan beste garajerik ez badago A gunean.

Garajeko edo trastelekudun garajeko plazak lortzeko zozketan parte hartzeko eskaera egiteko epea 2021eko otsailaren 15etik apirilaren 30era egongo da zabalik. Horretarako, dagokion eskabide-orria bete beharko da, zeina webgune honetan eskuragarri egongo baita datorren astelehenetik aurrera, hilak 15, eta 100 euro aldez aurretik ordaindu.

Ondoren, garaje eta trastelekuen plazen esleipendunek, printzipioz, ekainean zozketa egin ondoren, garajearen edo garajearen eta trastelekuaren kostu osoaren gainerako zatia ordaindu beharko dute. 17.000 euro inguruko kostua duen garaje baten kasuan, esleipendunak, adibidez, gainerako 16.900 euroak ordaindu beharko ditu. Eta zozketan onuradun ez diren pertsona guztiei hasieran jarritako 100 euroak bueltatuko zaizkie.

Bestalde, zozketa egin aurretik, bisita gidatu batzuk egingo dira garaje eta trastelekuetara, maiatzean, hasiera batean, interesdunek dagokien plaza aukeratu ahal izan dezaten, egingo den zozketari begira.

Errebaleko bulegoaren jendaurreko ordutegia

Errebaleko bulego berriaren jendaurreko ordutegia honako hau izango da: astelehenetik ostegunera, 10:00etatik 14:00etara eta 16:30etik 19:00etara; ostiraletan, 10:00etatik 14:00etara; eta larunbatetan, 10:00etatik 13:30era. Arreta pertsonalizatua jasotzeko, hitzordua eskatu beharko da aldez aurretik, 688869488 telefono-zenbakira deituta, edo email bat bidali honako helbide elektronikora: errebalbulegoa@eibar.eus.

Erlazionatutako atalak

Erlazionatutako dokumentuak

Intereseko loturak