Balkoiak eta leihoak apaintzeko 4. lehiaketa

Lehiaketa honen helburua da, herritarren parte-hartzearen bidez, Eibarko ingurumen kalitatea eta itxura hobetzea, eta landareei eta loreei garrantzia emanez, herrigune atseginagoa eta ederragoa lortzea, eta bide batez, herritarren artean, landareak zaintzeko ohitura zabaltzea. Eibarren ez ezik, Elgoibarren eta Ermuan ere egiten da balkoiak eta leihoak apaintzeko lehiaketa.

Ikusi hemen lehiaketaren oinarriak.

Egutegia:

  • Izena emateko epea: 2022ko maiatzaren 25tetik ekainaren 8ra (biak barne).
  • Bereizgarria: Izen-ematea egitean, parte-hartzaile bakoitzari bereizgarri bat emango zaio. Bereizgarri hori kaletik ikusteko moduko leku batean erakutsi beharko da, eta epaimahaiak balkoia edo leiho parte-hartzailea identifikatzeko balioko du. Bereizgarria 2022ko ekainaren 18tik 23ra  egon behar da ikusgai. Baldintza hauek betetzen ez badira, ez da balkoi edo leihoa baloratuko eta, ondorioz, deskalifikatu egingo da. Elektronikoki izena eman duten parte-hartzaileen kasuan, PEGORAn jaso beharko dute bereizgarria ekainaren 17ra arte.
  • Epaimahaiak 2022ko ekainaren 18tik 23ra baloratuko du balkoia edo leihoa.
  • Sari-banaketa ekainaren 30etik uztailaren 8ra bitartean egingo da.

Oharra: Gogoratu Eibarren indarrean dagoen ordenantzak debekatzen duela lorontziak eta lorapoteak kalera jausi ez daitezen behar den bezala lotzeke jartzea; barandaren kanpoko aldetik horrelakoak eskegitzea ere debekatuta dago. Landareak edo loreak ezin dira jarri apaintasuna apurtuko luketen latetan edo ontzietan. Loreei edo landareei ura botatzerakoan kontu handia ipini behar da urak kalera ihes egin ez dezan. (Ikusi “Hainbat Udal Ordenantza aldatzeko Ordenantza, Europako Parlamentuaren eta Kontseiluaren abenduaren 12KO 2006/123/CE Zuzentaraura Egokitzekoa”, 30.artikulua)

Irabazleak

Ekainaren 20an epaimahaikoek inskribatutako balkoi guztiak (28 partehartzaile) bisitatu eta puntuatu zituzten, epaitza ondokoa izanik:

1.Saria:

2.Saria:

Eskualdeko saria: Elgoibar

Parte hartu duten balkoiek indarrean dagoen ordenantza betetzeaz gain, bereizgarri bat izan behar zuten bistan epaimahaiak identifikatu ahal zitzan; hortaz, kartel hori jarrita izan ez duten balkoi eta leihoak, edota kaletik ikusteko moduan izan ez diren balkoiak eta lehioak, ez dira baloratuak izan.

Zure loreak landatzeko aholkuak

  • Alisoa

  • Begonia

  • Tagetea