Edukira salto egin | Salto egin nabigazioara

Bisita gidatuak, abuztuan

Aurtengo udan aukera ezin hobea izango duzu Eibar eta Arrate hobeto ezagutzeko, Eibarko Udalak antolatutako bisita gidatuekin. Nerea Alustiza historialari eibartarraren eskutik, zatoz hiriaren historia ezagutzera.

Udako hilabeteetan hiri armagina bisitatzen duten pertsonen eskaerari erantzungo dion turismo-eskaintza antolatzen hastea da helburua.

Hirira egingo diren bisitek bere kaleetan zehar ibilbide historikoa osatzen dute, tren-geltokian hasi eta Untzaga Plazan amaituz, udaletxearen parean.Bisitan, gidak hiria duela 100 urte nolakoa zen erakutsiko du, gaurdaino izandako garapen historikoa azalduz, Eibarko industria edo hiriak II. Errepublikaren aldarrikapenean izan zuen papera ahaztu gabe.

Bisitaren gidoia Nerea Alustiza historialari eibartarrak osatu du, hirira egindako bisitetan eskarmentu handikoa. Berak egingo ditu gida lanak, bai Eibarren eta baita Arraten ere.

Arrateko Santutegiaren inguruaren bisita ermitan hasiko da, hiriko bizitza sozial eta erlijiosoan duen eginkizuna eta garrantzi artistikoa aztertzeko. Ondoren, lubakien ingurura eta Gerra Zibilaren Frontearen Interpretazio Zentrora hurbilduko dira, frontea inguru honetan egon zen denborak Eibarren nola eragin zuen ulertzeko. Arrateko bisitaren gidoia Hemeroteca Eibarresa elkarteak egin du, inguruko historian adituak.

Eibar

  • Datak: abuztuak 3, 6, 10, 13, 17, 20, 24, 28 eta 31 (astearte eta ostiralero)
  • Ordutegia: 18:30etik 19:30era
  • Prezioa: 
    • Helduentzako 5 euro
    • 12 urtetik beherako eta 65 urtetik gorakoentzat doan
    • Eibarren bizi direnentzat 2,5 euro bisitaren unean NANa erakutsita

Arrate

  • Datak: abuztuak 8, 15, 22 eta 29 (igandero)
  • Ordutegia: 10:30etik 12:30era (ikusi hemen Arratera igotzen den autobusaren ordutegia)
  • Prezioa:
    • Helduentzako 10€
    • 12urtetik beherako eta 65 urtetik gorakoentzat doan
    • Eibarren bizi direnentzat 5€ bisitaren unean NANa erakutsita

Izen-ematea

  • 670 391 265 telefono zenbakira deituta, 10:00etatik 16:00etara
  • eibarvisit@gmail.com posta elektronikora mezu bat bidali, izen-abizenak, pertsona kopurua eta adina, eta egin nahi den bisita adieraziz