marka eskuliburua

Koloreak

Markak 2 kolore barnebilduko ditu. Kolore nagusiak magenta eta urdina izango dira, euskarri guztietan gailenduko direnak, eta markaren bereizgarriak izango direnak. Bigarren mailako koloreak, alegia, grisa eta degradatua fondoetarako erabiliko ditugu, bisualki lagungarria den kasuetan. Bi kolore nagusien erabilera "askea" izango den arren, bien arteko oreka bat lortzea helburu izango da. Eskuliburu honetan proposatzen diren aplikazioetan zehazten da zein kolore lehenetsiko den euskarri bakoitzean, dena den, euskarri bakoitzean. *Eskuliburu honetan jasotzen ez diren bestelako marka-aplikazioak sortu beharra badago, koloreen aukeraketa egiterakoan, oreka hori bilatuko da, mailakatze berbera emanez bi kolore nagusiei.

Marka kolore konbinazioak

Nahiz eta urdina eta magenta diren kolore konbinazio nagusiak, grisak eta degradatuak ere presentzia izango dute zenbait kasutan, degradatua bi koloreen uztarketa behar dugunetan eta grisa kolore saturazio handia dagoenetarako, esaterako, webgunean testuak sartzeko, txostenetan testuak idazteko edo portadetan txertatzeko. Aintzat hartu behar da kolore txuriak ere baduela bere tokia marka honen identitatean, izan ere, txuria aurreko kolore guztiekin uztartuko da espazioei arnasa eta garbitasuna bermatzeko helburuarekin. Arau hauen baitan sortuko dira markaren aplikazio guztiak, honela markaren ekosistema bisuala osatuz.

Marka hondo ezberdinetan

Bi irudi motaren erabilera baimentzen da: detailedunak eta lisoak. Lehenengoari dagokionez, irudiak dituzten argazkiak erabiliko dira, eta horietan logotipoaren bertsio negatiboa lehenetsiko da. Bigarrenari erreferentzia eginez, irudi lisoak erabiliko ditugu, alegia, masa lisoak dituztenak, haize askorekin, horrela logoek indarra hartuko dute Azken kasu honetan bi kolore nagusien erabilera dago baimenduta: magenta eta urdina.

Tipografia nagusia

NUNITO SANS EXPANDED da tipografia nagusia, logotipoak daramana. Familia oso zabala da, baina soilik EXPANDED-ak erabiliko ditugu. Horrez gain, izenburu eta ideia nagusiak nabarmentzeko erabili daiteke, indarra eta nortasuna emateko. Adibidez: kartel bateko izenburuan, dokumentu bateko portadan...

Tipografia osagarriak

Bigarren mailako tipografian kokatzen da Montserrat, zeinaren erabilera edukien garapenera zabalduko den. Zehatzago esanda, Montserrat tipografiak bi erabilera nagusi izango ditu: online ekosistemako euskarrietako testuen garapenerako, eta papergintza korporatiboetako euskarrietarako.

Bigarren mailako beste tipografia bat gehitzen zaio esku artean dugun markari: Arial. Tipografia honek daukan eskuragarritasuna eta unibertsaltasuna baliatuko dira, besteak beste, offline ekosistemako aplikazioen garapenerako.

Udal sailak

Eskuliburu honetaz gain, moldagarria eta editagarria izango den dokumentu bat entregatuko da, zeinaren bitartez logotipo berri bat sortu behar den momentuan bermatu beharreko tamainak eta ezaugarriak zehaztuko diren.

Zigilua

Orain arteko zigilua bere horretan mantenduko da.

Banda korporatiboa

Banda korporatiboa kolore korporatiboen banda batek osatzen du, zeinaren ezkerraldean webguneko esteka eta eskumaldean marka instituzionala zehazten diren. Estekaren eta ikur korporatiboaren arteko eremu aldakorrak hainbat formatutara egokitzeko aukera ematen du. Funtsezkoa da elementuen arteko proportzioari eta ezarritako distantziei eustea.

Kolaborazio eta babesletzak

Eibarko Udalak egiten dituen kolaborazio eta babesletza guztietan bermatuko da Udalaren markaren ikusgarritasuna. Beheko irudia adibide bat besterik ez da, baina promozionatzen den ekitaldi/ekimen/proiektu bakoitzarekin marka eskuliburuaren baitan sortutako diseinu oro baimenduko da.

Eskuorriak

Sortzen diren publizitate euskarri guztietan bermatuko da Udalaren markaren ikusgarritasuna.

A3 Kartelak

Eibarko Udalak egiten dituen kartel guztietan bermatuko da Udalaren markaren ikusgarritasuna. Beheko irudia adibide bat besterik ez da, baina promozionatzen den ekitaldi/ekimen/proiektu bakoitzarekin marka eskuliburuaren baitan sortutako diseinu oro baimenduko da.

Roll up-ak

Eibarko Udalak euskarri fisiko guztietan, Roll up-a kasu, bermatuko da Udalaren markaren ikusgarritasuna. Beheko irudia adibide bat besterik ez da, baina promozionatzen den ekitaldi/ekimen/proiektu bakoitzarekin marka eskuliburuaren baitan sortutako diseinu oro baimenduko da.

Eraikineko seinaletika

Udaletxeko eraikinaren barruan zehaztuko diren seinaletika euskarri orok izango du ezkerraldeko estetika, alegia, markarik gabekoa. Aldiz, Udalarenak diren bestelako eraikinetako seinaletikan (Portalea, Andretxea...) eskumaldeko bertsioa erabiliko da, hau da, marka presente dagoena. Erabilitako tipografia: NUNITO SANS EXPANDED extrabold euskaraz eta NUNITO EXPANDED ligth gaztelaniaz.

Direktorioa

Posible den heinean, egungo direktorioa estetika honetara gerturatzeko saiakera egingo da. Urdin koloreari lehentasuna emango zaio, eta erabilitako tipografia NUNITO SANS EXPANDED BLACK eta REGULAR izango dira.

Kaleko elementuak

Kaleko elementuei Udalaren marka gehitzeko erabakia hartzen bada, lehentasuna izango du bertsio negatiboa (zuria) erabiltzeak, elementuen koloreekin irakurgarritasuna bermatzeko. Ikusgarritasuna izango duen eta erraz identifikatuko den tokietan txertatuko da logotipoa, erdialdean, esaterako.

Trafikorako seinaletika / jakinarazpenak

Trafikorako jakinarazpenetan Udalaren marka besterik ez da erabiliko, bertsio magentan. Testu bidezko informazioa, aldiz, kolore urdinean idatziko da ARIAL tipografian.

Autoak

Udalaren autoetan Udal-markaren bertsio magenta lehenetsiko da. Dena delako arrazoia medio, autoaren kolorea ez badator magentarekin bat, bestelako irizpideak aplikatuko dira.

Furgonetak

Udalaren furgonetetan udal-markaren bertsio urdina lehenetsiko da. Dena delako arrazoia medio, furgonetaren kolorea ez badator urdinarekin bat, bestelako irizpideak aplikatuko dira.

Motor elektrikoak

Udalaren motorretan udal-markaren bertsio magenta lehenetsiko da. Dena delako arrazoia medio, motorraren kolorea ez badator magentarekin bat, bestelako irizpideak aplikatuko dira.

Autobusak

Udalaren autobusetan udal-markaren bertsio magenta lehenetsiko da. Dena delako arrazoia medio, autobusaren kolorea ez badator magentarekin bat, bestelako irizpideak aplikatuko dira.

Kamioi-grua

Udalaren kamio-gruetan udal-markaren bertsio magenta lehenetsiko da. Dena delako arrazoia medio, kamioiaren kolorea ez badator magentarekin bat, bestelako irizpideak aplikatuko dira.

Bizikleta elektrikoa

Udalaren bizikleta elektrikoetan udal-markaren bertsio magenta lehenetsiko da. Dena delako arrazoia medio, bizikletaren kolorea ez badator magentarekin bat, bestelako irizpideak aplikatuko dira.

Udaltzaingoaren autoak

Udaltzaingoaren autoetan udal-markaren bertsio negatiboa (zuria) lehenetsiko da. Dena delako arrazoia medio, autoaren binilazio kolorea ez badator bertsio zuriarekin bat, bestelako irizpideak aplikatuko dira.

Udal lantaldea

Uniformearen kolore eta formaren arabera, udal-markaren estiloak aldaketak izan ditzake, baina beheko irudia da oinarri eta ardatz hartuko dena.

Garbiketa

Uniformearen kolore eta formaren arabera, udal-markaren estiloak aldaketak izan ditzake, baina beheko irudia da oinarri eta ardatz hartuko dena.

Udaltzaingoa

Udaltzaingoen uniformeek Udalaren armarri ofiziala baino ez dute edukiko

Merchandising-a

Merchandising-aren kasuan, erabilera eta aukera anitzak direnez, askatasunez jokatu ahalko da aplikazioak sortzerako orduan, betiere eskuliburuko arau guztiak errespetatzen dituzten euskarriak sortzen direla bermatzen bada. Beheko irudietan adibide posibleak:

Argitalpenak

Posible den kasuetan, portada unibertsala izango dute argitalpenek eta izenburua besterik ezingo zaie aldatu (NUNITO SANS EXPANDED tipografian, pixu ezberdinak erabili daitezke). Hala ere, malgutasunez jokatuko da eta irudiak, argazkiak eta bestelako elementuak sartu nahi diren kasuetan, irizpide orokorrak jarraitzen direla bermatzen bada, baimenduta egongo da.

Udal langileentzako merezimendu diplomak

Diploman Udalaren marka besterik ez da erabiliko, bertsio magentan. Testu bidezko informazio garrantzitsuena edo nabarmenena, aldiz, kolore urdinean idatziko da ARIAL tipografian. Eta bigarren mailako informazio gehigarria, kolore beltzean.

Udal webgunea

Udal webgunearen goiburuak magentari emango dio lehentasuna, eta oro har, webgune osoak mantendu eta errespetatuko ditu ditu eskuliburuko arau orokorrak.

Sare sozialak

Udalaren sare sozialetako profil irudietan logotipo negatiboa (zuria) eta fondo degradatua lehenetsiko dira (degradatu bertikala), baita azpi-marken profilen kasuetan ere. Hala ere, magenta eta urdina erabiltzeko aukera ere egongo da egoki ikusten denetan.

Aplikazio mugikorra

Udalaren aplikazioko profil irudian logotipo negatiboa (z uria) eta fondo degradatua lehenetsiko dira. Eta aplikazioak osotasunean errespetatuko ditu eskuliburuko arau orokorrak.

Power Point dokumentuen txantiloia

Aurkezpen dokumentuen kasuan, portada aukera anitzak daude baimenduta, beheko irudietan zehazten den bezala. Izenburu nagusiaren irakurgarritasuna bermatzeko asmoz, hondoen diapositiban zehaztutako irizpideak aintzat hartu beharko dira.

Email sinadura

Langile ororen sinadura elektronikoa unibertsala izango da, beheko irudian zehazten den bezala, eta nork bere datuak besterik ezingo ditu aldatu, formatua bere horretan mantenduta. Logotipoa kasu honetan magenta izango da. Sail bakoitzak bere datuak izango ditu. Amaieran, lege-oharra sartu behar da. Tipografiari dagokionez, izen-abizenak NUNITO tipografiarekin sortu dira eta gainontzeko datuak MONTSERRAT tipografiarekin.

Banner digitalak

Banner digitalak sortzerakoan, udal-markaren ikusgarritasuna bermatu beharko da beti, baina baimenduta egongo da elementu gehigarriak sartzea (irudiak, argazkiak, izenburuak...) betiere eskuliburuaren arauak errespetatzen badira.

Mupi digitalak

MUPI digitaletan eta, oro har, publizitate euskarri digitaletan bermatuko da Udalaren markaren ikusgarritasuna. Beheko irudia adibide bat besterik ez da, baina promozionatzen den ekitaldi/ekimen/proiektu bakoitzarekin marka eskuliburuaren baitan sortutako diseinu oro baimenduko da.

Pantaila digitalak

Pantaila digitaletan eta, oro har, publizitate euskarri digitaletan, bermatuko da Udalaren markaren ikusgarritasuna. Beheko irudia adibide bat besterik ez da, baina promozionatzen den ekitaldi/ekimen/proiektu bakoitzarekin marka eskuliburuaren baitan sortutako diseinu oro baimenduko da.

Errotuluak

Errotuluak bideoan gainidatzita agertzen diren testuak dira, une horretan hitz egiten duen pertsona identifikatzeko erabili ohi direnak. Izena eta abizena letra larriz idatziko dira (NUNITO SANS EXPANDED BLACK), eta postua/enpresa letra xehez (NUNITO SANS EXPANDED LIGHT).

Karatula

Bideo-miniatura edo karatula deritzo bideoa irudikatzen duen irudi finkoari. Hori da ikusleek hainbat plataformatan ikusiko dutena. Adibidez, YouTuben.

Moska

Moska deritzo ikus-entzunezko pilula bat pantailan agertzen denean logotipoa edo marka-identifikatzailea txertatzeari, bideoaren atzean dagoen marka uneoro identifikatzeko.