EKIN LANARI – Mendekotasuna duten pertsonei instituzio sozialetan arreta soziosanitarioa emateko ziurtagiria: Ikastaroa + Lan-praktikak (2018)

Proiektuaren helburua:

• Mendekotasuna duten pertsonei instituzio sozialetan arreta soziosanitarioa emateko ziurtagiria lortzea.
• Autonomia pertsonala eta integrazio komunitarioa sendotzea. Udalerriko hainbat eragilerekin sarean lan egitea.
• Osasunaren alorrean aritzeko lan-gaitasunean prestatzea.
• Pertsonei laneratzen laguntzea.
• Eibarko gazte langabetuak, kualifikaziorik gabeak eta hezkuntza/prestakuntza-sistemetan txertaturik ez daudenak lan-munduan sartzen laguntzea, prestakuntza eta enplegagarritasuna hobetzeko ibilbideak eskainiz.
• Lan-merkatuak eskatzen dituen lanbide-gaitasunak eta enplegagarritasuna indartzea, enplegu kalitatezko eta iraunkor bat erraztuz.

Bete beharreko baldintzak:

• Langabezian egotea.
• Eskaera  aurkezten  den egunean 16 urte edo gehiago izatea eta 2018ko abenduaren 31an, 30 urte baino gutxiago izatea.
• Eibarren erroldatutakoa egotea.
• Gaztelaniaren ahozko nahiz idatzizko ulermen maila egokia izatea.

Aurkeztu beharreko dokumentazioa:

Eskaerak PEGORAn aurkeztu behar dira maiatzaren 3tik maiatzaren 25era (biak barne). Hau da aurkeztu behar den dokumentazioa:

• “Ekin lanari” programan parte hartzeko eskaera behar bezala beteta.
• Eskatzailearen NANaren edo horren baliokidea den dokumentu baten fotokopia.
• LANBIDEk egindako txostena, langabe gisa inskribatuta egondako aldiei buruzkoa.
• Curriculum vitae eguneratua.

Programaren garapena:

 1.- PARTE-HARTZAILEAK AUKERATZEA.

2.- LAN-PRESTAKUNTZA ESPEZIFIKOA (450 orduko iraupena).

• Mendekotasuna duten pertsonei instituzio sozialetan arreta soziosanitarioa emateko ziurtagiria lortzeko ikastaroa egitea.

 3.- PRESTAKUNTZA ZEHARKAKOA ETA OSAGARRIA.

• Lan-munduan txertatzea, ingurumenarekiko sentsibilizazioa eta aukera-berdintasuna.
• Gaitasun digitalak.
• Matematika-gaitasuna.
• Beharrezkoa den gaitasun-maila lortzea gaztelaniaz, euskaraz eta ingelesez.
• Taldean lan egiteko eta gatazkak konpontzeko teknikak garatzea.

4.- LAN-PRAKTIKAK (batezbesteko iraupena, 120 ordu).

5.- LAGUNTZEA, TUTORETZA-LANA ETA ORIENTAZIOA.