Euskara irakaslea

Lanpostuaren deskribapena:

• Irakaskuntza-lanak egitea, HABE erakundeak ezarritako hezkuntza-jarraibide eta -planekin koherentziaz jokatuta.
• Irakaskuntza- eta ikasketa-plana eta euskaltegiaren programazioa antolatu eta aplikatzea, helburuak hautatuz, jarduerak aurreikusiz eta denborak ezarriz.
• Udalaren beraren testuak, txostenak, dokumentalen eta bideoen azpitituluak, planak, oinarriak, hitzarmenak eta abar gazteleratik euskarara eta euskaratik gaztelaniara itzuli, zuzendu eta berrikustea.
• Eskolak irizpide pedagogikoen arabera programatu, prestatu eta ematea, jarduerak eta materialak hautatuz eta ikasleen beharretara egokituz.
• Ikasleen etengabeko ebaluazioa egitea, beharrezkoak diren ebaluazio-probak prestatu, aplikatu eta zuzentzea eta emaitzen akta idaztea.
• Egiaztapen-deialdietan aztertzaile-lanak egitea, irizpideak bateratzeko saioetan parte hartuz, azterketetan zaintza-lanak eginez, idatzizko azterketak zuzenduz eta ebaluatuz, txostenak idatziz eta ahozko probetan aztertzaile gisa jardunez.
• Euskara-maila neurtzeko probak prestatzea eta egitea.

 Bete beharreko baldintzak:

• Gradua edo baliokidea
• Euskara maila: C2 HE-II Idazmena-Irakurmena eta C2 HE-ME Mintzamena-Entzumena

Baloratu beharreko baldintzak:

• Baldintzak betetzen dituzten hautagaiak elkarrizketara deituko dira.

Kontratu-mota: Bitarteko funtzionario.

Kontratuaren iraupena: 8 hilabete.

Lanaldi mota: Goiz eta arratsalde.

Lanean hasteko aurreikusitako data: lehenbailehen.

Plaza kopurua: 2 (bat %100ean eta bestea %50ean)

Interesa duten pertsonek Lanbiden izena eman behar dute 2026ko urriaren 12a baino lehen (egun hori barne), hurrengo lan eskaintza zenbakian: 162026010678. Informazio gehiago nahi izanez gero, interesatuek 943-023802 (Lanbide) telefonora deitu beharko dute.