Izena emateko epea zabalik "Debabarrena Integra - Bat Eginez" programaren 16. edizioan
Egitasmoa Armeria Eskolako Elkarteak (AEE) lideratua eta Eusko Jaurlaritzako Enplegu eta Gizarte Politiketako Sailak diruz lagundua da. Izena emateko epea irailaren 17ra arte egongo da zabalik.
2021-2022 ikasturterako 'Debabarrena Integra - Bat Eginez' programaren 16. edizioa antolatu du Armeria Eskola Elkarteak. Programa horrek bi fase ditu: aurten, lehen fasean, gaztelania eta matematikako funtsezko eragitez gain, euskarazko uler-saioak ere eskainiko dira Eibarko Udalarekin lankidetzan (186 ordu + 60 ordu). Helburua euskarazko ahozko ulermenean oinarrizko maila eskuratzea da eta modu honetan integrazio soziala erraztea.
Aurreko urteetan bezala, bigarren fasean, FMEE0108 Fabrikazio mekanikoko eragiketa osagarriak Profesionaltasun Ziurtagiria eskainiko da (400 ordu + 40 ordu minimo praktikak = 440 ordu).
Interesatuek programan parte hartzeko bete beharreko baldintzak honako hauek dira:
- Bere jatorrizko hizkuntzan alfabetatua izan behar da
- Batuketak, kenketak, biderkaketak eta zatiketak egiten jakin behar da.
- Gaztelaniaz komunikatzeko gai izan behar da.
- Lanbiden izena emanda egon behar da
Aurreinskripzioa, 943203244 / 615 775 556 telefono zenbakien bitartez edo Armeria Eskolako 104 Bulegora bertaratuz egin daiteke, irailaren 17ra arte.