Informazio berria eskuragarri Lekuak eta Historia atalean
Urtero gure herriko hainbat eraikin eta guneren inguruko datuak bildu eta sareratzen dira
2023an jarri zuen martxan Eibarko Udalak Lekuak eta Historia webgunea, Eibarko eraikinen inguruko datu-base erraldoi bat sortzeko asmoz. Historiaren geruzak balira bezala, 1885, 1925, 1939 eta 1959ko plano horiei esker ikus daiteke gure herriak 140 urtetan izan duen bilakaera.
Eraikinak 3 talde handitan daude banatuta: eraikin industrialak, erlijiosoak eta zibilak. Sortu zen urtean industria eraikinena zen atalik osoena, haren oinarria Mikel Aparicio arkitektoaren ikerketa-lan bat izan baitzen. Azken urteetan, Badihardugu Elkartearekin elkarlanean eta informazioa osatzeko helburuarekin, hainbat eraikin eta gune aukeratzen dira webgunean txertatzeko.
Aurten, 12 aukeratu dira: Arrateko Santutegia, Rialto, San Ildefontsoko Santutxua, Aginagako San Migel Parrokia, Maalako ermita, Untzaga plaza, Armeria Eskola, Alfonso XIII.a pabiloia, Alondegia, La Salle Isasi-Corazonistas, Untzuetako jauregia eta Victoria Eugenia erietxea.
Mapan haien gainean klikatuz gero, eraikin eta gune horien informazio historikoa, argazkiak, planoak eta Eibartarren Ahotan ataletik ateratako elkarrizketak aurkitu daitezke.
