El hermano de Sancho

Laurentzi Producciones

“El hermano de Sancho” antzerki-jostailua da, jolas didaktiko bat, eta bertan bost aktore izango dira lanean, euren artean Nerea  Ariznabarreta eibartarra ere bai, hamasei pertsonaia desberdinei bizitza ematen. Komedia oso askea da, eta bertan Shakespeare eta Cervantes XVI. mendeko dramaturgo handien  egoera eta  pertsonaiak nahasten dira. Txotxongiloak,  itzalak, clown-a, arte-komedia eta entremesa dira “El ingenioso hidalgo Don Quijote de la  Mancha” eta “William Shakespeare-n Obra Osoak”-eko pertsonaia asko agertzen diren ikuskizun bizkor eta artetsuko osagarriak. Pertsonaia guztiak sartu-irtetzen dira liburuetatik “lasai asko”.

Honakoa antzerki garaikidea egiten duen Laurentzi Producciones  konpainiaren hirugarren produkzioa da, gailentasun bisual  garrantzitsua duena eta beti ere konpromiso hirukoitzarekin: antzez- arteak, profesioa eta gizartea.

Sarrera: 10 € / 7 € COLISEOAREN LAGUNA